Encargo para o servizo de conservación e mellora ambiental dos leitos da Demarcación Hidrográfica do Miño-Sil en Galicia 2023. PdM Miño-Sil CHCH0XCET29UR2045

DESCRICIÓN DA OPERACIÓN:

O obxectivo da operación do "Encargo para o Servizo de Conservación e Mellora Ambiental dos leitos da Demarcación Hidrográfica do Miño-Sil en Galicia 2023" é o de conservar e restaurar a hidromorfoloxía natural dos leitos para mellorar a resiliencia dos ecosistemas fluviais e por tanto, a súa adaptación ante o cambio climático. Ao mesmo tempo, preténdese minimizar o risco de inundacións en núcleos urbanos, infraestruturas ou parcelas próximas aos leitos fluviais. Todo iso a través de traballos selvícolas encamiñados a mellorar ou restaurar o bosque autóctono de ribeira, recuperar a morfoloxía fluvial natural a través da retirada de barreiras artificiais que modifiquen o comportamento natural do río e actuacións de restauración hidrolóxico-forestal para o control da erosión e a protección de marxes con solucións baseadas na natureza.

Estas actuacións enmárcanse dentro do Obxectivo Específico 2.4, que pretende "Favorecer a adaptación ao cambio climático e a prevención do risco de catástrofes, así como a resiliencia, tendo en cuenta os enfoques baseados nos ecosistemas", que están suxeitas ao cumprimento da Condición Favorecedora 2.4 "Marco eficaz de xestión do risco de catástrofes" de acordo con o establecido no Regulamento (UE) 2021/1060 do Parlamento Europeo e do Consello.

A operación está prevista no Plan Hidrolóxico da Demarcación Hidrográfica do Miño-Sil (aprobado polo Real Decreto 35/2023, do 24 de xaneiro), o cal recolle un Programa de Medidas (anexo XII), entre as que se atopa: CHCH0XCET29UR2045 Programa xeral de conservación de masas de auga.

Por último, a operación tamén cumpre co previsto no Plan de xestión do risco de inundación da parte española da Demarcación Hidrográfica do Miño-Sil (aprobada por Real Decreto 26/2023, do 17 de xaneiro), xa que recolle as seguintes medidas:

• Programa de mantemento e conservación de leitos.
• Restauración fluvial, medidas en leito e en chaira de inundación.
• Melloras estruturais que implican intervencións físicas en leitos.

Os traballos execútanse en diferentes tramos de río que requiren intervención en base aos obxectivos anteriormente descritos e, unha vez finalizados, elabórase unha memoria final para cada un deles recollendo, entre outras, a información xeográfica, gráfica e orzamentaria de cada intervención.

INVESTIMENTO PREVISTO PERÍODO 2021-2027: 7.811.922 €
IMPORTE TOTAL DA AXUDA: 4.687.153 €
ESTADO: EN EXECUCIÓN