Entre as actuacións máis relevantes que se executaron encóntranse as seguintes:

Construción de muros para a prevención de inundacións

Co fin de previr inundacións ao longo do tramo, construíronse unha serie de muros lonxitudinais na marxe esquerda augas abaixo da C/ Pinguela e no ámbito do núcleo de Piñeira, na zona recreativa e ao longo da estrada de acceso.

Construción de camiños peonís e carril bici

Executáronse dous tipos de viais, que combinan o uso peonil co ciclista.

Construción de pasarelas peonís

Executáronse tres grandes pasarelas peonís que unen ambas as dúas marxes do río Cabe, xa que na actualidade a ausencia de conexións provoca un efecto barreira. Así mesmo, estas estruturas achegarán continuidade ao resto de actuacións do proxecto e estarán situadas detrás do colexio Compañía de Pais Escolapios, augas arriba do meandro de Pinguela e sobre a presa do muíño de Cobas.

Todas elas terán unha conexión cos camiños peonís e carrís bici proxectados, de forma que se obteña unha continuidade ao longo das ribeiras. Ademais o camiño peonil que discorre pola marxe esquerda cruza varias canles e regueiros de pequena entidade, polo que se executaron pequenas pasarelas de madeira para dar continuidade ao seu trazado.