Inicio 
Comunicación As nosas notas de prensa O presidente da Confederación Hidrográfica do Miño-Sil -CHMS- e o Alcalde do Carballiño supervisan os traballos de limpeza e acondicionamento de marxes do río Arenteiro
Comunicación As nosas notas de prensa O presidente da Confederación Hidrográfica do Miño-Sil -CHMS- e o Alcalde do Carballiño supervisan os traballos de limpeza e acondicionamento de marxes do río ArenteiroO presidente da Confederación Hidrográfica do Miño-Sil -CHMS- e o Alcalde do Carballiño supervisan os traballos de limpeza e acondicionamento de marxes do río Arenteiro
- Detalles
- Mércores, 28 Novembro 2012
Estanse a tallar e retiran da canle os ameneiros afectados pola praga do 2009
A madeira cortada e amoreada poñerase a disposición de Cáritas para a súa distribución entre as familias máis necesitadas
O presidente da Confederación Hidrográfica do Miño-Sil-, Organismo Autónomo dependente do Ministerio de Agricultura, Alimentación e Medio, realiza unha visita institucional ao concello do Carballiño, coa intención de coñecer, de primeira man, as impresións do rexedor acerca da marcha dos traballos de limpeza e acondicionamento marxes do río Arenteiro, ao seu paso por este municipio.
As actuacións iniciáronse na ponte medieval da Veiga para
continuar, augas abaixo, cara á piscifactoría do Carballiño. Estamos a actuar en ambas as dúas marxes do río, cortando e retirando, sobre todo, as árbores secas afectadas pola praga dos ameneiros do ano 2009 - Phythophthora Alni-, ademais de estabilizar os noiros que se esborrallasen pola caída das árbores enfermas" apuntou Marín.
O rexedor mostrouse moi satisfeito cos traballos realizados e coa boa marcha destes, e agradeceu ao presidente da CHMS a súa preocupación por este tema que estaba pendente de resolver dende hai tempo.
Para levar a cabo estas actuacións de restauración estanse a utilizar técnicas de bioingeniería colocando estacas de salgueiro verde cravadas ao firme e atadas entre se e aos biorrollos para completar a estacada. Para rematar, taparanse e acondicionarán os noiros coa mesma terra extraida e colocarase malla de coco para suxeitar o terreo, consolidando a estabilización co estaquillando de brotes de salgueiro recollidos na zona. Os traballos estanse a realizar, segundo instrucións do Organismo, respectando a vexetación e fauna autóctonas.
Por outra parte, ambas as dúas institucións acordaron que a madeira resultante da talla se poñerá a disposición de Cáritas para que poida ser ofrecida, para uso doméstico, ás familias máis necesitadas.
© Copyright 2025 Confederación Hidrográfica del Miño-Sil, O. A.
