A reserva hdráulica española atópase ó 63,8% da súa capacidade total

Detalles

Xoves, 03 Maio 2012

As choivas da última semana tiveron un reflexo moi positivo no estado dos encoros españois, xa que aumentaron as reservas nas concas galegas. Ao longo da última semana, as precipitacións foron abundantes en toda a Península. A máxima produciuse en Huesca, con 79,1 mm ( 79,1 l/m2). 

 A pesares diso, os datos seguen estando por baixo dos do pasado ano nestas mesmas datas.   A reserva hidráulica española está ao 63,8% da súa capacidade total. Actualmente hai 35.470 hm³ de auga embalsada, o que representa un aumento durante este período de 534 hm3 (o 1,0%) con respecto aos niveis da semana anterior, con variacións entre -26 hm³ en Guadiana e 306 hm³ en Ebro.

A reserva por ámbitos é a seguinte: Galicia Costa atópase ao 62,0%; a conca hidrográfica do Miño-Sil ao 59,2%, a do  Cantábrico ao 86,4%; as Concas internas do País Vasco están ao  100,0%. No Douro, a reserva está ao 57,8%. Un pouco menos na conca hidrográfica do Tajo, que se sitúa no 51,6%. En mellor situación atópanse as concas do Guadiana (Castela-A Mancha e Estremadura), que está ao 74,3%; a Conca Atlántica Andaluza, ao 76,6% e a do Guadalquivir, ao 74,1%. A Conca Mediterránea Andaluza está ao 64,7%; a do Segura ao 57,7%, a do Júcar ao 53,6% e a do Ebro ao 64,9%. As Concas internas de Cataluña sitúanse ao 78,8%, segundo os datos feitos públicos polo Ministerio de Agricultura, Alimentación e Medio Ambiente.

Descargar PDF