A CHMS intensifica os traballos de conservación e mellora de leitos no municipio pontevedrés de Covelo

Detalles

Mércores, 14 Agosto 2024

• Esta semana 1 brigada traballa en Regueiro de Ponte Pîñeiro, ao seu paso por Santiago de Covelo
• O leito presenta acumulación de residuos sólidos urbanos e residuos de construción procedentes dun noiro situado augas arriba
• “Estas intervencións teñen como obxectivo mellorar a capacidade hidráulica do leito, de manter a composición da vexetación de ribeira e de eliminar os restos de lixo acumulados nalgunhas zonas concretas” explicou José Antonio Quiroga, presidente da CHMS
• O investimento inicial previsto supera os 17.000 euros

A Confederación Hidrográfica do Miño-Sil (CHMS), organismo autónomo dependente do Ministerio para a Transición Ecolóxica e o Reto Demográfico, intensifica os traballos de conservación e mellora dos leitos da provincia de Pontevedra. Ao longo desta semana 1 brigada traballa en Regueiro de Ponte Pîñeiro ao seu paso por Santiago de Covelo.

Atendendo ás necesidades observadas durante a inspección previa, executaranse actuacións de retirada de gran cantidade de residuos sólidos urbanos e de residuos de construción procedentes dun noiro situado augas arriba; ademais de árbores secas, enfermas ou en perigo de caída.

Estas actuacións completaranse con rozas selectivas de matogueira perimetral e poda e clarexo de ramas baixas, todo iso co interese de evitar tapóns nas infraestruturas de paso.

O investimento previsto supera os 17.000 euros e o prazo de execución estímase en 3 semanas.

Continúa ademais a actuación, iniciada no mes de xullo, no río Tea ao seu paso polos municipios de Ponteareas e Mondariz nos que se investirán máis de 240.000 euros.

“Estas intervencións teñen como obxectivo mellorar a capacidade hidráulica do leito, de manter a composición da vexetación de ribeira e de eliminar os restos de lixo acumulados nalgunhas zonas concretas” explicou José Antonio Quiroga, presidente da CHMS.

Descargar PDF