A CHMS mellorará a accesibilidade dos ríos Fiscaíño e Bibei, ao seu paso polo municipio ourensán da Pobra de Trives

Detalles

Domingo, 02 Abril 2023

• Realizarase unha senda fluvial e unha pasarela de madeira que unirá ambas as marxes do río Fiscaiño e actuacións de recuperación ambiental no río Bibei
• O investimento estimado superará os 475.000 euros

José Antonio Quiroga, presidente da Confederación Hidrográfica do Miño-Sil (CHMS), Organismo autónomo dependente do Ministerio para a Transición Ecolóxica e o Reto Demográfico, e a alcaldesa da Pobra de Trives, Patricia Dominguez, rubricaron o Protocolo, para o financiamento, posta ao dispor dos terreos, execución e entrega das obras do proxecto de construción dunha senda fluvial no río Fiscaiño e recuperación ambiental do río Bibei.

Proxecto

As obras consistirán basicamente en construír un novo sendeiro de 1.165 metros lineais nas marxes do río Fiscaiño, ao seu paso polo núcleo de Trives; será de 2 metros de ancho aproximadamente, de pavimento terrizo e contará, ademais, cunha pasarela de madeira que unirá ambas as marxes.

No río Bibei procederase á recuperación ambiental e á mellora de marxes co ánimo de mellorar a súa accesibilidade para o uso e goce dos veciños/veciñas, ademais de valorizar a riqueza ambiental e paisaxística da zona.

En prol da colaboración entre administracións, a Confederación Hidrográfica do Miño-Sil cofinanciará as actuacións necesarias que precisan dun investimento aproximado de 475.000 euros.

Descargar PDF