A Comisión de Desencoro da Confederación do Miño-Sil repasa a evolución e o estado dos encoros de titularidade estatal situados nesta demarcación hidrográfica

Detalles

Xoves, 10 Abril 2014

O organismo de conca expón, o órgano colexiado, as características da obra de remodelación integral do vertedoiro mergullado da presa de Bárcena, na que o MAGRAMA investirá ao redor de 4 millóns de euros
Os volumes de reserva dos encoros de Bárcena e Vilasouto indican que durante os meses máis secos non se esperan problemas para satisfacer as demandas de auga

A Confederación Hidrográfica do Miño-Sil (CHMS), organismo autónomo dependente do Ministerio de Agricultura, Alimentación e Medio (MAGRAMA), celebrou hoxe, en Ourense, a reunión ordinaria de primavera da Comisión de Desencoro da conca do Miño-Sil.

Un dos puntos da orde do día da reunión foi a análise das achegas de auga debidas ás últimas precipitacións e a súa incidencia nos encoros da conca, así como o volume de reserva destes, concluíndo que os pantanos de Bárcena e Vilasouto dispoñerán de auga embalsada para cubrir todas as demandas de auga para abastecemento e rego nos meses máis secos.

Por outra parte, tamén se incluíu na orde do día a explicación das características do proxecto que o MAGRAMA acometerá para mellorar a operatividade, flexibilidade e seguridade da presa de Bárcena na que investirá ao redor de catro millóns de euros. O prazo de execución desta actuación estímase en 12 meses, estando previsto o inicio das obras durante o mes de maio do presente ano.

Este importante investimento está motivado pola necesidade de dispoñer dun sistema de desaugadoiro máis moderno e adaptado ás condicións establecidas nas normas de explotación da presa.

Na actualidade a presa de Bárcena conta cun vertedoiro mergullado controlado cunha comporta taintor de dimensións 10 X 6 m., esta comporta, con máis de 50 anos de antigüidade, presenta actualmente pequenos problemas de funcionamento.

Por este motivo programouse unha actuación para a rehabilitación deste órgano de desaugadoiro, que consiste basicamente na división do orificio existente en dous ocos simétricos de 4 m e 6 m, dispoñendo para o seu control de senllas comportas con accionamento oleohidráulico. Con esta solución, ademais de recuperar a súa operatividade, gañarase tamén en flexibilidade e seguridade

A planificación das obras realizada pola Confederación Hidrográfica Miño-Sil permitirá garantir que o seu impacto sobre os usuarios do encoro será mínimo, tal e como se explicou na Comisión de Desencoro.

Descargar PDF