A Confederación Hidrográfica do Miño-Sil e o Concello do Porriño asinan o convenio de colaboración para executar as obras de protección de marxes do río Louro

Detalles

Mércores, 15 Maio 2013

O presidente da Confederación do Miño-Sil, Francisco Marín, e o alcalde do Porriño, Nelson Santos, formalizaron hoxe o convenio de colaboración para o financiamento, execución, entrega, mantemento e conservación das obras do proxecto de protección das marxes contra a erosión no río Louro, no Porriño, que supoñerán un investimento de 299.923 euros.

O acto, celebrado no Concello do Porriño, contou coa presenza do subdelegado do Goberno en Pontevedra, Antonio Coello, e da delegada Territorial da Xunta de Galicia en Vigo, María José Bravo, entre outras autoridades.

Estas actuacións están incluídas no programa operativo de financiamento con cargo aos Fondos de Desenvolvemento Rexional (FEDER), que a Confederación Hidrográfica do Miño-Sil, Organismo Autónomo dependente do Ministerio de Agricultura, Alimentación e Medio (MAGRAMA), deseñou dentro do período 2007-2013, cunha porcentaxe de financiamento do 80% polo organismo de conca e un 20% polo concello do Porriño.

"Con estas actuacións recuperamos as marxes do río Louro, conservando a súa capacidade como elemento canalizador da drenaxe natural", indicou Francisco Marín.

DESCRICIÓN DAS OBRAS

As obras baséanse en actuacións de protección de marxes coa construción dun dique e o emprego de tratamentos de bioingeniería, en consonancia co ámbito en que se enmarcan, garantindo a conservación dos valores ambientais asociados a esta canle e asegurando o mantemento das zonas peonís de ambas as dúas marxes do río Louro.

Trátase de restaurar as marxes do río afectados polos derrubamentos, desbordamentos e erosións, consecuencia dos episodios de intensas chuvias acaecidos nos pasados meses de xaneiro e marzo deste ano. A lonxitude de tramo de río onde se actuará é de aproximadamente dous quilómetros, este tramo comeza na primeira pasarela de madeira do río Louro ata a ponte de Las Almendras.

Con estas obras mellorarase e conservará a zona de dominio público hidráulico e as súas servidumes, levarase a cabo a restauración do ámbito do río coa adecuación de noiros e marxes, recuperándose, ademais, os lugares máis degradados, todo iso co ánimo de manter o réxime fluvial natural.

As actuacións proxectadas levaranse a cabo con materiais acordes co uso e respectuosos co medio natural no que se enmarca o proxecto.

Con estas obras se mejorará y conservará la zona de dominio público hidráulico y sus servidumbres, se llevará a cabo la restauración del entorno del río con la adecuación de taludes y márgenes, recuperándose, además, los lugares más degradados, todo ello con el ánimo de mantener el régimen fluvial natural.