Arias Cañete: “O Gobierno impulsará a innovación no sector do agua”

Detalles

Martes, 22 Maio 2012

• Explica que o Gobierno realizará un “esforzo de racionalidade, eficiencia e transparencia para conseguir un suministro de calidade e en cantidade en todo o territorio nacional”

• Priorizará “as inversións en infraestructuras de abastecemento, saneamento ou depuración e que buscará fórmulas de participación do capital privado”

• Destaca que o ministerio traballa en dous frentes, nacional e internacional que recuperen a confianza da UE

• Explica que para lograr os obxectivos resulta fundamental “a claridade lexislativa e a eliminación de obstáculos administrativos”

O ministro de Agricultura, Alimentación e Medio Ambiente, Miguel Arias Cañete, explicou este martes que o Goberno impulsará "a innovación no sector da auga", e realizará un "esforzo de racionalidade, eficiencia e transparencia" para conseguir o obxectivo fundamental de "dispor de subministración de auga en calidade e cantidade en todo o territorio nacional, cunha visión integral do ciclo da auga que contribúa ao mantemento dos ecosistemas".

Durante a súa intervención no acto de presentación da Fundación Aqualogy, marca global da empresa Agbar, Arias Cañete destacou que o Ministerio de Agricultura, Alimentación e Medio Ambiente traballa en dúas frontes, un nacional e outro internacional, dentro dunha "política de augas global, realista e sustentable no tempo, con respostas a longo prazo e co obxectivo de recuperar a confianza da Unión Europea na xestión e na aplicación española da normativa de augas".

Polo que respecta á fronte internacional, o ministro explicou que o Goberno traballa ao redor de tres grandes eixos:

• A auga, como dereito humano esencial, incluído entre os Obxectivos de Desenvolvemento do Milenio.

• A estreita relación entre auga e seguridade alimentaria, que outorga unha gran importancia ao regadío e ás novas infraestruturas.

• E, en terceiro lugar, a procura do desenvolvemento sustentable, ao que o noso país outorga gran relevancia.

No referente ás accións a nivel nacional, Arias Cañete explicou que "as liñas estratéxicas da política do Goberno en materia de auga responden o obxectivo fundamental de dispor de subministración de auga en calidade e cantidade en todo o territorio nacional, cunha visión integral do ciclo da auga que contribúa ao mantemento dos ecosistemas".

"O principio que nos orienta é, por tanto, o da racionalización, a coherencia e a eficiencia do sector público. En virtude del, perseguimos a finalización do proceso de planificación hidrológica, e a consecución dun gran pacto nacional da auga", lembrou o ministro de Agricultura Alimentación e Medio Ambiente.

Neste sentido, Arias Cañete avanzou que, entre outras medidas, o Goberno priorizará "os investimentos en infraestruturas de abastecemento, saneamento e depuración; e buscaremos fórmulas que fagan posible a participación de capital privado na súa construción e explotación; ademais de impulsar a aprobación do Plan Nacional de Reutilización, para alcanzar o obxectivo de 650hm3/ano".

REFORMA DA LEI DE AUGAS

Miguel Arias Cañete explicou que para lograr estes obxectivos resulta fundamental "a claridade lexislativa e a eliminación de obstáculos administrativos, a fin de proporcionar seguridade xurídica aos axentes económicos, especialmente, ás empresas".

O ministro lembrou que un primeiro paso foi a convalidación do Real Decreto-Lei de medidas urxentes en materia de medio ambiente (que será tramitado como Proxecto de Lei) e queintroduce medidas encamiñadas a fomentar un uso máis racional da auga, reforzando o principio de unidade de xestión das concas intercomunitarias e a potestade sancionadora do Ministerio.

Ademais, Arias Cañete avanzou que o Ministerio continuará coa reforma da Lei de Augas, en determinados aspectos pendentes, "como a fórmula de cálculo das tarifas, a gobernanza na explotación das infraestruturas hidráulicas ou as medidas para o fomento da eficiencia no gasto".

Por último, o Ministro fixo fincapé en que as políticas hídricas deben "coordinarse coas agrícolas e as enerxéticas, e harmonizarse cos ciclos naturais da auga, contemplando a innovación tecnolóxica, os avances en infraestruturas hidrológicas e o uso de fontes alternativas e enerxías limpas".

Arias Cañete concluíu a súa intervención agradecendo e felicitando ao Grupo Agbar pola iniciativa de pór en marcha a Fundación Aqualogy, que conta entre os seus principios de actuación coa innovación, a investigación e a capacidade de emprender, transferindo coñecementos e tecnoloxía, que constitúen sólidas bases de actuación para avanzar cara a un modelo de xestión innovador e sustentable.

"Un centro de difusión do coñecemento en materia de auga, que estou seguro que os programas culturais, artísticos, educativos e de formación que a Fundación vai desenvolver, responden á visión integradora e aberta que a xestión da auga require", finalizou.

 Descargar PDF