A CHMS mellorará o saneamento e a EDAR do centro urbano e aglomeracións limítrofes do municipio pontevedrés da Cañiza

Detalles

Xoves, 31 Xullo 2025

• Hoxe foi asinada a Resolución de adxudicación das obras á UTE Vipeca - San Gregorio, por importe de 1.128.000 euros
• "A colaboración institucional é a clave para conseguir proxectos importantes para preservar e mellorar a calidade das augas dos nosos leitos fluviais, sendo fundamental a implicación dos gobernos locais como canle de comunicación máis directo e claro, polo coñecemento que posúen das necesidades reais das zonas ás que representan" explicou o presidente
• "Estamos ante un gran avance ambiental, grazas ao forte apoio e compromiso do Ministerio para a Transición Ecolóxica e o Reto Demográfico do Goberno de España", concluíu o alcalde do municipio

José Antonio Quiroga, presidente da Confederación Hidrográfica do Miño-Sil (CHMS), Organismo autónomo dependente do Ministerio para a Transición Ecolóxica e o Reto Demográfico, rubricou hoxe a Resolución de adxudicación das obras de mellora de saneamento e EDAR do centro urbano e aglomeracións limítrofes da Cañiza, por importe de 1.128.000 euros, á UTE Vipeca - San Gregorio.

SITUACION ACTUAL

Os principais problemas no saneamento e depuración neste municipio son o exceso de caudal de chegada á EDAR urbana e a súa posterior vertedura ao río Deva, así como a baixa carga da EDAR industrial e os seus problemas coa vertedura de metais ao río Ribadil, ademais de problemas de desbordamento na entrada das depuradoras de aireación prolongada en Valeixe e Achas.

Doutra banda, non hai que esquecer que a natureza principalmente rural do concello e a orografía, fai que pequenos sistemas de saneamento finalicen en fosas sépticas de funcionamento deficiente.

PROXECTO

O proxecto comprende as dúas actuacións máis urxentes de mellora desta rede de saneamento, como son a renovación de algo máis de 900 m dos colectores principais do núcleo da Cañiza, e a renovación total da EDAR de Valeixe, que se deseña para unha poboación de 866 habitantes-equivalentes.

Coa citada renovación de colectores elimínase ademais o tramo dos mesmos que discorre polo leito do arroio de la Fuente Santa, ao sur do núcleo da Cañiza.

O orzamento de adxudicación da actuación é de 1.128.000 euros e o prazo de execución é de 8 meses.

"A colaboración institucional é a clave para conseguir proxectos importantes para preservar e mellorar a calidade das augas dos nosos leitos fluviais, sendo fundamental a implicación dos gobernos locais como canle de comunicación máis directo e claro, polo coñecemento que posúen das necesidades reais das zonas ás que representan" explicou o presidente.

"As actuacións proxectadas permitirán corrixir os problemas de depuración, saneamento e colectores que vén arrastrando a Cañiza desde hai case 20 anos, indicou o alcalde do municipio. Por iso estamos ante un gran avance ambiental, grazas ao forte apoio e compromiso do Ministerio para a Transición Ecolóxica e o Reto Demográfico do Goberno de España", concluíu.

Descargar PDF