O MITECO publica as bases da segunda convocatoria de subvencións para a dixitalización do ciclo urbano da auga

Detalles

Xoves, 03 Agosto 2023

• Conta cun orzamento de 200 millóns destinados a administracións ou operadores xestores da auga urbana
• As axudas oscilarán entre os 500.000 euros e os 10 millóns por proxecto
• O prazo de presentación de solicitudes será do 30 de outubro ao 13 de decembro de 2023

O BOE do 2 de agosto publicou a Orde TED/919/2023, do 21 de xullo, pola que se modifican as bases reguladoras da Orde TED/934/2022, do 23 de setembro, pola que se aproban as bases reguladoras da concesión de axudas por concorrencia competitiva para a elaboración de proxectos de mellora da eficiencia do ciclo urbano da auga; a primeira convocatoria de subvencións (2022) de proxectos de mellora da eficiencia do ciclo urbano da auga e a segunda convocatoria de subvencións (2023). Todo, enmarcado no Plan de Recuperación, Transformación e Resiliencia (PERTE de dixitalización do ciclo da auga).

Esta segunda convocatoria, que conta cun orzamento de 200 millóns, está destinada a proxectos de dixitalización do ciclo urbano da auga abarcando o abastecemento en alta, distribución, saneamento e depuración co obxectivo claro de mellorar o coñecemento dos usos da auga, reducir as perdas, mellorar a eficiencia dos sistemas, optimizar o gasto enerxético, impulsar a transparencia e a comunicación coa cidadanía e os diferentes entes públicos e privados involucrados nas fases do ciclo urbano. Ademais, inclúense iniciativas para facilitar a operadores e titulares dos servizos o cumprimento e a adaptación a novos desafíos normativos en materia de auga. Todo o conxunto de actuacións son clave no contexto de seca no que se atopa o país.

De forma idéntica á primeira convocatoria, nesta segunda establécese unha reserva de crédito de 60 millóns que se non se esgotan acumularanse á liña xeral, para aquelas solicitudes cuxo ámbito territorial, ben como agrupación ou ben de forma individual, integre a máis de cinco municipios. Tamén, o conxunto de actuacións financiables dividirase en tres bloques: de planificación (tipo A), de implementación de accións de mellora da eficiencia e dixitalización (tipo B) ou de xestión de información (tipo C).

Ademais, esta convocatoria non só mellora a intensidade da axuda, podendo ser esta agora de ata o 100%, senón que incrementa a intensidade das axudas en actuacións que se realicen en municipios de ata 20.000 habitantes fronte aos 5.000 habitantes da convocatoria anterior.

As axudas oscilarán entre os 500.000 euros e os 10 millóns por proxecto como norma xeral, cantidade que variará en función do número de habitantes dos municipios nos que teña lugar as actuacións.

A publicación final no BOE das bases atópase na seguinte ligazón: https://www.boe.es/buscar/doc.php?ide=BOE-A-2023-17775

O prazo para a presentación de solicitudes será do 30/10/2023 ao 13/12/2023. Para iso, facilitarase toda a información e documentación requirida no correspondente portal web da convocatoria e a través da Sede electrónica do Ministerio para a Transición Ecolóxica e o Reto Demográfico (MITECO).

Habilítase a seguinte conta de correo electrónico para realizar consultas respecto da convocatoria: bzn-perte-ciclo-agua@miteco.es

Descargar PDF