O MITECO lanza a consulta pública a modificación do Regulamento do Dominio Público Hidráulico para axilizar as tramitacións administrativas

Detalles

Xoves, 28 Xullo 2022

• A proposta suxire un amplo abanico de modificacións centradas na simplificación administrativa, a dixitalización e a protección ambiental
• A modificación mellorará a normativa de protección das augas subterráneas, que se adaptou á normativa europea a partir da aprobación da Directiva Marco da Auga
• Tamén inclúe a mellora no coñecemento sobre hidroxeoloxía e os cambios producidos na actividade agraria industrial

O Ministerio para a Transición Ecolóxica e o Reto Demográfico (MITECO) puxo en consulta pública a modificación do Regulamento do Dominio Público Hidráulico (RDPH) para fomentar a dixitalización dos procedementos administrativos de xestión da auga en España. Esta iniciativa atópase incluida dentro do Proxecto Estratéxico para a Recuperación e Transformación Económica (PERTE) de dixitalización do ciclo da auga e enmárcase no Plan de Recuperación, Transformación e Resiliencia (PRTR) financiado pola Unión Europea – NextGenerationEU.

A proposta de modificación mellorará a normativa de protección das augas subterráneas, que se adaptou á normativa europea a partir da aprobación da Directiva Marco da Auga. Tamén inclúe a mellora no coñecemento sobre hidroxeoloxía e os cambios producidos na actividade agraria industrial.

Ademais, analizáronse os procedementos administrativos previstos no RDPH para adecualos ás oportunidades que ofrece a transformación dixital da Administración.

Tamén se modifican outros aspectos regulados no Regulamento para conseguir maior axilidade na tramitación dos mesmos e desenvolver procedementos simplificados.

DIRECTRICES EN PLANIFICACIÓN E XESTIÓN DA AUGA

Así mesmo, o pasado 19 de xullo de 2022 o Consello de Ministros aprobou establecer directrices en planificación e xestión da auga en España que incrementen a resiliencia do país fronte ao quecemento global, co obxectivo de converter os recursos hídricos no eixo vertebrador destas estratexias.

En ambos os documentos, tanto no PERTE de dixitalización do ciclo da auga como na Estratexia da Auga, establécese a necesidade de actualizar o Regulamento de Dominio Público Hidráulico para fomentar o bo estado das augas continentais e asegurar o uso sostible das subterráneas. Entre outras medidas, tamén se expón simplificar e dixitalizar a tramitación administrativa, loitar contra a contaminación difusa, favorecer os labores de extinción de incendios forestais e a recuperación ambiental dos terreos afectados.

A consulta estará dispoñible para alegacións ou observacións ata o 2 de setembro de 2022. Poderase consultar o borrador na web do MITECO e achegar os comentarios a través da caixa de correos habilitada para iso (Bzn-dgasec@miteco.es).

Descargar PDF