Os encoros da demarcación do Miño-Sil en León atópanse ao 80,62 % da súa capacidade máxima, un 1,04 % menos que a semana anterior

Detalles

Martes, 08 Xuño 2021

• A precipitación acumulada media na provincia de León a día 6 de xuño de 2021 foi de 732,0 l/m2, un 20 % por baixo da media histórica
• Na última semana rexistráronse 7,6 l/m2, mensualmente poden destacarse os meses de novembro, marzo, abril e maio como secos e os meses de decembro, xaneiro e febreiro como húmidos
• A CHMS lembra o consumo responsable do recurso

Neste ano hidrolóxico 2020/21, iniciado o 01 de outubro de 2020, a precipitación acumulada media na provincia de León a día 06 de xuño de 2021 foi de 732,0 l/m2, un 20 % por baixo da media histórica, sendo dita media histórica entre 1980/81 e 2011/12 de 915,7 l/m2.

No ano hidrolóxico anterior, 2019/20, a esta altura do ano a precipitación rexistrada era de 928,3 l/m2, un 1 % por encima da media histórica e un 27 % por encima da do ano 2020/21.

Na última semana rexistráronse 7,6 l/m2, mensualmente poden destacarse os meses de novembro, marzo, abril e maio como secos e os meses de decembro, xaneiro e febreiro como húmidos.

En relación cos encoros da provincia, atópanse ao 80,62 % da súa capacidade máxima, un 1,04 % menos que a semana anterior. Este volume é un 5,83 % menor que a cantidade de auga embalsada hai un ano, 86,45 %.

No relativo aos caudais circulantes, segundo os datos recibidos nas estacións de control que chegan ao Centro de Control de Conca (CECU) da CHMS atópase de media un 32,4 % por baixo da media histórica.

“Desde a CHMS queremos lembrar que os recursos naturais son limitados e que todos deberiamos de asumir a responsabilidade individual de conservación dos mesmos, fomentando actitudes respectuosas co medio ambiente e co consumo de auga para evitar períodos de seca estival”, matizou José Antonio Quiroga, presidente da CHMS.

Descargar PDF