A Confederación do Miño-Sil continúa os traballos de mellora de marxes dos ríos de León

Detalles

Mércores, 19 Xuño 2019

• Nesta semana estase traballando en Villafranca del Bierzo, Toral de los Vados, Toreno e Sancedo, nos ríos Sil, Valcarce e Castro e no arroio de la Vega, respectivamente
• Estas actuacións están incluídas no contrato de conservación do Dominio Público Hidráulico (DPH) nas que o Organismo de conca inviste máis de 627.000 €

A Confederación Hidrográfica do Miño-Sil (CHMS), Organismo autónomo dependente do Ministerio para a Transición Ecolóxica, continúa os traballos de limpeza dos ríos da súa competencia na provincia de Léon. Estas actuacións están incluídas no contrato de conservación do Dominio Público Hidráulico (DPH) nas que o Organismo de conca inviste máis de 627.000 €.

Nesta semana estase traballando en Villafranca del Bierzo, Toral de los Vados, Toreno e Sancedo, nos ríos Sil, Valcarce e Castro e no arroio de la Vega, respectivamente.

ACTUACIÓNS

Da inspección previa ás zonas de actuación detectouse abundante vexetación arbórea e arbustiva e un importante número de árbores con risco de caída sobre os leitos.

Para solucionar esta problemática, está a traballarse na roza selectiva de matogueira perimetral, poda e clareo de ramas baixas e curta sanitaria de pés secos para evitar tapóns en infraestruturas de paso. Estes traballos son executados por 3 brigadas compostas por catro operarios especializados cada unha.

“O prazo de execución esténdese ata o segundo semestre de 2020, aínda que se está valorando un reforzo para a execución de actuacións de mellora da capacidade de desaugadoiro dos ríos co ánimo de evitar inundacións e avenidas, que puidesen afectar as persoas e os seus bens, en momentos de intensas choivas” concluíu Quiroga.

Descargar PDF