A firma dos tres Convenios entre a CHMS e o Concello de Ourense está pendente da tramitación municipal

Detalles

Mércores, 24 Outubro 2018

• O Organismo de conca é coñecedor de que están pendentes da fiscalización e da aprobación por parte do Pleno Municipal
• O procedemento expropiatorio é posterior á firma dos citados Convenios

A Confederación Hidrográfica do Miño-Sil ( CHMS) está pendente de recibir do Concello de Ourense a tramitación municipal dos Convenios de colaboración nos que se especifican as obrigacións de ambas as partes, tanto para o financiamento da actuación como para a entrega posterior das obras realizadas. A citada formalización é previa ao procedemento expropiatorio e á licitación das obras para executar.

“É necesario saber previamente se se vai a dispoñer de crédito para a obra antes de iniciar o procedemento expropiatorio e non ao revés” matiza o José Antonio Quiroga, presidente da CHMS.

Neste momento están pendentes tres convenios co Concello de Ourense; “A mellora do saneamento de augas residuais en Velle” que supoñerá un investimento próximo aos 3.000.000.-€, o “Acondicionamento senda fluvial entre Outariz e o Regacho do Val” cuxa investimento estimado é de 500.000 €, ambos sufragados ao 50% entre ambas as Administracións; o terceiro é a “Instalación dun  tamiz automático que evitará a presenza de sólidos e flotantes que orixinan episodios de contaminación no aliviadoiro de Ponte  Lebrona", por importe de 85.000 €, financiado ao 100% pola CHMS.

“Desde a CHMS estamos en boa disposición para colaborar, dentro das nosas competencias, co resto de Administracións en calquera actuación que redunde na mellora da calidade de vida dos cidadáns e na conservación e mellora dos nosos leitos fluviais e solicitamos ao Concello de Ourense a máxima dilixencia nas xestións que lle competen” matizou o presidente.

Descargar PDF