Información pública do proxecto de prolongación do acondicionamento do río Badella en Bande (Ourense)

Detalles

Mércores, 21 Decembro 2016

A Confederación do Miño-Sil anuncia no BOE a información pública do proxecto de prolongación do acondicionamento do río Badella en Bande (Ourense)

A presentación de alegacións poderá realizarse no prazo de 20 días hábiles a partir do día seguinte á publicación, nos próximos días, no boletín da provincia

A Confederación Hidrográfica do Miño-Sil-, organismo autónomo dependente do Ministerio de Agricultura e Pesca, Alimentación e Medio Ambiente (MAPAMA), somete a información pública o proxecto de prolongación do acondicionamento das marxes do río Badella ao seu paso polo núcleo de Bande (Ourense). O orzamento basee de licitación estímase en 258.977,56 euros.

O proxecto ten por obxecto continuar as actuacións xa iniciadas para resolver o alto grao de degradación ambiental que actualmente presenta o río ao seu paso polo núcleo urbano. Esta degradación ambiental, céntrase fundamentalmente en dous aspectos o estado de abandono e invasión de especies alóctonas de parte da zona de ribeira do río Badella e o alto grao de ocupación que se produciu por parte da trama urbana nalgúns puntos do seu trazado, e que resulta completamente incompatible a sustentabilidade ambiental do uso da contorna fluvial.

Para resolver esta problemática detectada continuarase a restauración da contorna cos mesmos criterios e seccións empregados na actuación executada polo organismo no ano 2015, co ánimo de garantir a recuperación ambiental da ribeira do río en parte non prevista no proxecto anterior, así como a  servidume de tránsito, co que se conseguirá a posta en valor do río Badella para o goce da cidadanía.

O proxecto pode ser consultado a partir de hoxe nas oficinas da Confederación Hidrográfica do Miño-Sil en Ourense, C/ Curros Enríquez, 4-2º e na web do organismo www.chminosil.es.

A presentación de alegacións ou observacións poderá realizarse no prazo máximo de 20 días hábiles contados a partir do día seguinte á publicación no boletín da provincia, que se producirá nos próximos días.