A Confederación Miño-Sil traballa na mellora da calidade da auga do río Limia utilizando métodos naturais de retención, filtrado e asimilación dos nutrientes

Detalles

Venres, 21 Outubro 2016

Estas actuacións enmárcanse dentro das accións B3 e B4 do proxecto LIFE, licitadas por 545.000? e adxudicadas por importe de 327.945€. 

A través da acción B3 executarase o proxecto de recuperación do antigo trazado do río Limia nas Veigas de San Lorenzo en Rairiz de Veiga (Ourense).

Coa Acción B4 procederase á conexión de dúas charcas, en desuso pola explotación arenera da zona, coa Canle da Lagoa de Antela, e á instalación de illas flotantes en Sandiás (Ourense).

A Confederación Hidrográfica do Miño-Sil (CHMS), organismo autónomo dependente do Ministerio de Agricultura, Alimentación e Medio Ambiente, executa as accións B3 e B4 incluídas no proxecto LIFE Rexenera Limia, que foron licitadas por un importe total de 545.000? e adxudicáronse por 327.945?.
 
A través da Acción B3 execútase o proxecto de recuperación do antigo trazado do río Limia nas Veigas de San Lorenzo en Rairiz de Veiga (Ourense),  conectándoo co río Limia a través de dúas obras de drenaxe, provocando que nos meses húmidos a auga volva circular pola antiga canle e a súa chaira de inundación para que a vexetación de ribeira realice a función de retención e asimilación dos nutrientes presentes na auga, mellorando así  a calidade da auga do río Limia.
                                    
Coa rexeneración do ecosistema fluvial mellorarase o estado de boa conservación os hábitats naturais de especies presentes na zona recollidos na Rede Natura 2000.
 
CONEXIÓN EN ENTRADA SEN OBRA DE PASO

Mediante a Acción B4, execútase no municipio de Sandiás (Ourense), a conexión de dúas charcas, en desuso pola explotación arenera, coa Canle da Lagoa de Antela. Para iso estanse  construíndo tres obras de paso,  instalando tres illas flotantes e revegetando as beiras, a través do que se conseguirá que a auga recircule polas charcas no período húmido e vexa reducida a súa presenza en nutrientes pola acción de asimilación das raíces das plantas.
 
Esta acción será moi beneficiosa para as aves que habitan nesta ZEPA -Zona de Especial Protección de Aves- da Limia (Ourense).