O Goberno autoriza as obras de emerxencia para reparar os danos polas crecidas dos ríos na conca do Sil, na comarca do Bierzo (León)

Detalles

Sábado, 21 Maio 2016

Van arranxar os danos nas canles dos ríos Sil, Oza, Cúa e Barredos, nos termos municipais de Ponferrada, Carracedelo e Carucedo

Tamén se repararán as conducións de abastecemento e saneamento de auga en Bembibre tras as crecidas do río Boeza

O Consello de Ministros aprobou as obras de emerxencia para a reparación dos danos provocados pola crecida de ríos na conca do Sil, na comarca do Bierzo (León), tras os fortes temporais dos meses de xaneiro e febreiro deste ano.

En concreto, acometeranse dous tipos de actuacións, cun investimento total de 400.000 euros. A primeira consistirá na reparación dos danos producidos polas avenidas nas canles dos ríos Sil, Oza, Cúa e Barredos, nos termos municipais de Ponferrada, Carracedelo e Carucedo, por un importe de 235.000 euros.

Os traballos previstos permitirán arranxar, entre outros, as fochas, as obras de defensa e as infraestruturas asociadas aos regadíos do Bierzo e as súas estradas de servizo que resultaron afectadas polas crecidas dos ríos.

A segunda actuación consistirá na reparación dos danos provocados polas crecidas do río Boeza nas conducións de abastecemento e saneamento de auga en Bembibre, por un importe de 160.000 euros.

As crecidas de principios de ano alcanzaron a traza da tubaxe de abastecemento e un tramo da condución de saneamento, deixando estas infraestruturas fóra de servizo.

Descargar PDF