O Ministerio de Agricultura, Alimentación e Medio Ambiente investirá 500.000€ en actuacións de emerxencia na provincia de Ourense

Detalles

Martes, 26 Abril 2016

Estes traballos, que comezarán durante a primeira semana de maio, consisten na eliminación de tapóns, acarreos e restos vexetais e na restauración das marxes máis debilitadas polas crecidas
Traballarase nos tramos máis afectados dos ríos Miño, Arnoia, Avia, Arenteiro, Sil e Limia e os seus afluentes

O Ministerio de Agricultura, Alimentación e Medio Ambiente investirá máis de 485.000 euros, en obras de emerxencia, a acometer de forma inmediata, para a reparación dos danos provocados polos temporais dos meses de xaneiro e febreiro de 2016 no Dominio Público Hidráulico (DPH) da provincia de Ourense.

Estas actuacións foron anunciadas esta mañá polo delegado do Goberno en Galicia, Santiago Villanueva, acompañado polo presidente da Confederación Hidrográfica do Miño-Sil, Francisco Marín, e polo subdelegado do Goberno en Ourense, Roberto Castro.

Actuacións

Debido aos refachos de vento, superiores ao 100km/h, e as intensas choivas dos meses de xaneiro e febreiro, producíronse danos na canle e marxes de varios ríos da provincia de Ourense, así como o taponamiento de infraestruturas de paso, pola caída e debilitación dun importante número de árbores e gran cantidade de acarreos de restos vexetais e troncos.

Para comprobar a magnitude de problema a CHMS realizou unha valoración cualitativa inicial, aínda que, até a baixada do nivel das augas non puido efectuarse a valoración cuantitativa definitiva, que facilitou a toma de decisión acerca da necesidade actuar, de forma inmediata, nas zonas afectadas para evitar que os danos causados poidan agravarse con futuras inundacións e avenidas.

Por iso, programáronse actuacións de eliminación de tapóns de restos vexetais, restauración de marxes erosionadas e defensa das mesmas, rozas, retirada de acarreos, sedimentos e residuos, todo iso co obxectivo de restituír, canto antes, a capacidade de desaugadoiro das canles afectadas.

Os traballos prolongaranse durante 5 meses e comezarán a primeira semana de maio nos tramos máis afectados dos ríos Miño, Arnoia, Avia, Arenteiro, Sil e Limia e os seus afluentes, e serán executados por cinco brigadas compostas por cinco operarios cada unha.

Descargar PDF