A Confederación do Miño-Sil inicia a restauración do tramo urbano do río Támoga en Cospeito (Lugo)

Detalles

Martes, 09 Xuño 2015

As enchentes dos primeiros meses deste ano provocaron importantes afeccións na canle e marxes
A actuacións comezarán coa retirada dos madeiros e ramas caídos ao leito do río para continuar coa restauración e limpeza de ambas as dúas marxes

A Dirección Xeral da Auga, a través da Confederación Hidrográfica do Miño-Sil (CHMS), inicia os traballos de restauración e limpeza do río Támoga no tramo urbano que discorre polo Curral, concello de Cospeito (Lugo), que sufriu importantes afeccións polas inundacións do primeiro trimestre do ano.

O obxectivo destas actuacións, declaradas emerxencia por Consello de Ministros, é a eliminación dos obstáculos presentes no leito do río e na limpeza de maleza, restos vexetais e residuos sólidos presentes nun tramo de aproximadamente 3 quilómetros.

Os traballos consisten na talla e retirada das árbores caídas, secas ou enfermas presentes na canle e que orixinaron un importante tapón na presa do muíño da Acea. Tamén se procederá á roza de ambas as dúas marxes para eliminar a vexetación herbácea e arbustiva invasora e na poda da vexetación de paso que impide o acceso e tránsito polas ribeiras, para aumentar a capacidade de desaugadoiro do propio rio.

Por outra parte, para dar solución ao derrubamento e á erosión de ambas as dúas marxes, utilizaranse técnicas de bioingeniería que facilite a estabilización e protección destas a longo prazo.

Os restos de vexetación retiradas serán triturados "in situ", salvo os grosos que se ofrecerán aos veciños para uso doméstico ou, no seu caso, serán transportados a un vertedoiro autorizado. Pola súa parte, os residuos sólidos urbanos acumulados en ambas as dúas marxes, ferralla ou entullos serán separados pola súa natureza e transportaranse a xestor autorizado.

Estas actuacións serán realizadas por unha brigada forestal, composta por 6 operarios especialistas, que utilizarán maquinaria compatible coa zona de actuación situada na zona LIC Parga- Ladra- Támoga.

O investimento previsto supera os 37.000 euros e a súa execución prolongarase durante un mes.

Descargar PDF