A Confederación Hidrográfica do Miño-Sil licita o proxecto de protección de marxes do río Louro no Porriño (Pontevedra)

Detalles

Martes, 29 Abril 2014

A presentación de ofertas poderá realizarse ata as 14,00 horas do día 27 de maio de 2014

A Confederación Hidrográfica do Miño-Sil (CHMS), organismo autónomo dependente do Ministerio de Agricultura, Alimentación e Medio (MAGRAMA), licitou por 247.870,51 euros o contrato de obras para a execución do proxecto de protección das marxes contra a erosión no río Louro, no Porriño, tal e como publica hoxe o Boletín Oficial do Estado (BOE).

O obxectivo deste proxecto é a restauración das marxes do río afectados polos derrubamentos, desbordamentos e erosións. As actuacións de protección de marxes consistirán na construción dun dique e o emprego de tratamentos de bioingeniería, en consonancia co ámbito en que se enmarcan, garantindo a conservación dos valores ambientais asociados a esta canle e asegurando o mantemento das zonas peonís de ambas as dúas marxes do río Louro.c

Con estas obras mellorarase e conservará, tamén, a zona de dominio público hidráulico e as súas servidumes, realizaranse actuacións de restauración do ámbito do río coa adecuación de noiros e marxes, recuperándose, ademais, os lugares máis degradados, todo iso co ánimo de manter o réxime fluvial natural.

A lonxitude de tramo de río obxecto de actuación é de aproximadamente dous quilómetros, comezando na primeira pasarela de madeira do río Louro ata a ponte de Las Almendras.

Estas actuacións están incluídas no programa operativo de financiamento con cargo aos Fondos de Desenvolvemento Rexional (FEDER), que a Confederación Hidrográfica do Miño-Sil deseñou dentro do período 2007-2013, cunha porcentaxe de financiamento do 80% polo organismo de conca e un 20% polo concello do Porriño.

A presentación de ofertas ou solicitudes de participación deberá de efectuarse a través do Rexistro Xeral da Confederación Hidrográfica do Miño-Sil situado na C/ Curros Enríquez, 4-2º de Ourense, CP 32003, ata as 14,00 horas do día 27 de maio de 2014.

Descargar PDF