A CHMS traballa na restauración hidrolóxico-forestal do río Quiroga ao seu paso por Ribeira de Abaixo (Quiroga-Lugo)

Detalles

Luns, 16 Decembro 2013

O presidente da CHMS, acompañado polo subdelegado do Goberno en Lugo e o alcalde de Quiroga realizan unha visita á zona de actuación e supervisan a boa marcha dos traballos

Estas actuacións están incluídas no proxecto de restauración hidrolóxico-forestal dos ríos de Lugo, presentadas na Subdelegación do Goberno, o pasado 29 de outubro

O investimento previsto estímase en máis de 20.000euros e actuarase en máis de 3 quilómetros de canle

A Confederación Hidrográfica do Miño-Sil (CHMS), Organismo autónomo dependente do Ministerio de Agricultura, Alimentación e Medio (MAGRAMA), traballa na restauración hidrolóxico-forestal do río Quiroga, ao seu paso por Ribeira de Abaixo, Concello de Quiroga (Lugo)

Esta mañá o presidente do organismo de conca, Francisco Marín, acompañado polo subdelegado do goberno en Lugo, Ramón Carballo e o alcalde de Quiroga, Julio Álvarez, visitaron a zona de actuación e supervisado a boa marcha dos traballos.

Estas actuacións están enmarcadas dentro do proxecto de restauración Hidrolóxico-Forestal nos ríos de Lugo que fora presentado polo delegado do goberno en Galicia, Samuel Juárez e o presidente da Confederación do Miño-Sil, o pasado 29 de outubro na Subdelegación do Goberno en Lugo.

Como paso previo a esta actuación, realizouse unha inspección da zona, comprobándose a existencia dun gran número de árbores secas, mortos ou con risco de caída e de zonas concretas moi despoboadas de vexetación arbórea e arbustiva.

Atendendo ao anterior, este organismo de conca programou actuacións en distintos tramos do río Quiroga que comprenden aproximadamente 3 quilómetros. Para a realización destas traballará, durante un mes, unha brigada composta por 5 operarios que utilizarán medios manuais e maquinaria compatible coa zona de actuación. O investimento previsto supera os 20.000euros.

Os traballos consisten na retirada das árbores mortas, ramas secas e material vexetal acumulados en ambas as dúas marxes que, en momentos de intensas chuvias, poderían provocar taponamentos, desbordamentos ou avenidas.

Por outra parte, acometeranse actuacións de curta de árbores secas ou en mal estado, podas e rozas selectivas e eliminación de ramas mortas e especies invasoras, todo iso procurando non danar a vexetación de ribeira e favorecendo a entrada de luz á canle.

Descargar PDF