O presidente da CHMS e o alcalde de San Cibrao visitan as obras de mellora e recuperación ambiental do regueiro do polígono industrial

Detalles

Mércores, 04 Decembro 2013

Investiranse máis de 125.000 euros, financiados nun 80% pola CHMS, a través de Fondos FEDER, e o 20% restante polo Concello

Con estas actuacións favorécese a rexeneración dun sistema natural nun ambiente industrial e urbano moi degradado

Francisco Marín, presidente da Confederación Hidrográfica do Miño-Sil, organismo autónomo dependente do Ministerio de Agricultura, Alimentación e Medio, Manuel Pedro Fernández, alcalde de San Cibrao dás Viñas, Elías Mera e José Enrique Rodríguez, presidente e vicepresidente da Asociación de empresarios do polígono, respectivamente, visitan as obras de mellora ambiental das marxes do regueiro do polígono industrial de San Cibrao.

O obxecto destes traballos é a finalización das actuacións de recuperación do ámbito natural do regueiro de San Cibrao iniciadas e non continuadas dende o ano 2010. O importe destas actuacións estímase en 125.000 mil euros, dos cales, o Concello de San Cibrao financiará o 20% e a CHMS o 80% restante, a través de fondos FEDER e os traballos finalizarán durante a segunda decembro.

Esta actuación xorde co ánimo de naturalizar un regueiro moi castigado pola súa proximidade ao polígono industrial e os traballos consisten en limpezas e acondicionamentos de terreo, construción dunha senda de paso separada da marxe do río, de 3 m. de anchura, así como, a construción dunha pasarela peonil de 9 m. de lonxitude e 2 m. de ancho, en madeira laminada. Tamén se contempla a demolición ou desmontaxe dalgúns elementos inadecuados situados na canle ou marxes do regueiro para recuperar o dominio público hidráulico e evitar desbordamentos, avidas.

Por outra parte, procederase á rexeneración do ámbito natural, recuperarase a orla arbórea propia deste espazo abundante en número de exemplares, e limparanse e podarán os exemplares existentes. Estas actuacións complementaranse, ademais, coa limpeza das marxes e a estabilización con hidrosementeira de especies herbáceas axeitadas.

Nestes traballos estase a cumprir escrupulosamente o establecido no Protocolo de actuación para actuacións no medio fluvial con respecto á enfermidade do ameneiro, no que se determinan os condicionantes para a execución dos traballos en ribeiras con amieirais e métodos de desinfección.

"O presente proxecto contribúe á rexeneración dun sistema natural de importante valor pola súa situación nun ambiente urbano e industrial e que na actualidade polas súas condicións de conservación se encontra inaccesible", indica o presidente do Organismo.

Descargar PDF