Licitado o contrato para a redacción do proxecto de mellora da EDAR de Xinzo de Limia (Ourense)
- Detalles
- Mércores, 18 Setembro 2013
O presuposto base de licitación supera os 60 mil euros
A presentación de ofertas finalizará o día 14 de outubro
A Confederación Hidrográfica do Miño-Sil (CHMS), organismo autónomo dependente do Ministerio de Agricultura, Alimentación e Medio (MAGRAMA), licitou, por importe de 60.518,09 euros, o contrato de "Servizos para a redacción do proxecto de mellora da capacidade de eliminación de nutrientes da EDAR de Xinzo de Limia (Ourense), tal como publica hoxe o Boletín Oficial do Estado.
O obxectivo destas actuacións é a optimización do rendemento dos procesos biolóxicos da EDAR existente para que se axuste aos parámetros establecidos na autorización de vertedura. Por iso precísase que na redacción do proxecto construtivo, obxecto de licitación, se estuden, definan e valoren as actuacións necesarias para a optimizar estes procesos, sobre todo no relativo á eliminación de nutrientes, ademais de valorar a necesidade de acometer outras actuacións que solucionen a problemática actual existente na rede de saneamento de Xinzo de Limia..
A presentación de ofertas poderá realizarse a través do Rexistro Xeral da Confederación Hidrográfica do Miño-Sil situado na C/ Curros Enríquez, 4-2º de Ourense, CP 32003, ata as 14,00 horas do día 14 de outubro de 2013.