A CHMS somete a información pública o proxecto de mellora de saneamento e EDAR de San Cibrao dás Viñas (Ourense)
- Detalles
- Mércores, 31 Xullo 2013
Poderanse presentar alegacións no prazo de 20 días hábiles
A Confederación Hidrográfica do Miño-Sil (CHMS), organismo autónomo dependente do Ministerio de Agricultura, Alimentación e Medio (MAGRAMA), somete a información pública o proxecto de mellora do saneamento e EDAR de San Cibrao dás Viñas (Ourense).
As actuacións proxectadas mellorarán a rede de saneamento de San Cibrao dás Viñas e consisten na desconexión das redes de pluviais do Sector C e Polígono de San Cibrao, da rede xeral. Ademais, construirase un tanque de tormentas no aparcadoiro do polígono de San Cibrao e realizaranse outras pequenas melloras, tales como a modificación do colector na zona de campo de futbol e a eliminación de vertedura do polígono Barreiros.
No que respecta á EDAR, nesta primeira fase abordaranse 3 actuacións concretas, a automatización e control, o control de PH e a realización de melloras no pretratamento, co ánimo de conseguir reforzar a EDAR existente e evitar vertidos ao río Barbaña.
O proxecto poderá ser consultado nas oficinas da Confederación Hidrográfica do Miño-Sil en Ourense, C/ Curros Enríquez, 4-2º, e na web do organismo www.chminosil.es.
A presentación de alegacións poderá realizarse no prazo de 20 días hábiles contados a partir do día seguinte ao da publicación no Boletín último publicado (enviado ao BOE e BOP).