A esta reunión, presidida por Francisco Marín -presidente da Confederación Hidrográfica do Miño-Sil- asistiron o director técnico, o comisario de augas e o xefe de explotación da CHMS, ademais de representantes de comunidades de regadores, concellos e empresas enerxéticas, por outra parte, o representante do MAGRAMA, delegou o voto no presidente.

 

Atendendo á orde do día da reunión, o xefe de explotación presentou as curvas de nivel dos encoros de Barcena e Vilasouto e, en ambas as dúas, obsérvase unha zona case-plana, debido á escaseza de precipitacións durante os meses de decembro-marzo (ambos os dous incluídos). Os volumes embalsados recupéranse a partir de mediados do mes de abril, ao rexistrarse un período de chuvias de primavera que palian a grave situación de seca invernal.

 

Por último fíxose unha valoración do labor realizado polas Comisións de Seguimento dos Regadíos do Bierzo e Val de Lemos, creadas na reunión de urxencia do pasado mes de marzo para establecer controis sobre os caudais derivados e poder cumprir coa campaña de rego e formadas por persoal de CHMS e Comunidades de Regadores. No caso do Bierzo, a Comisión de Seguimento disolveuse a principios do mes de Maio, ao terse conseguido os volumes de encoro necesarios para cumprir coas demandas na campaña de rego e no caso do Val de Lemos se realizo un seguimento quincenal ao longo de todo o período de rego, despois de finalizar a campaña sen restricións significativas.