A Confederación Hidrográfica do Miño-Sil realizará obras na estrada de servizo ao regadío do Val de Lemos
- Detalles
- Venres, 14 Setembro 2012
Co bacheo, a sinalización vertical e horizontal, e a instalación de redutores de velocidade, mellorará a seguridade da vía
A Confederación Hidrográfica do Miño-Sil -CHMS-, Organismo Autónomo dependente do Ministerio de Agricultura, Alimentación e Medio, asinou o contrato coa empresa MISTURAS OBRAS E PROXECTOS, S.A., por importe de 44.800 Euros, para a realización das "Obras de adecuación da estrada de servizo da Canle do Regadío do Val de Lemos".
As obras a executar consisten no restablecemento da sinalización horizontal e vertical deteriorada, ademais da instalación e sinalización de redutores de velocidade de sección transversal trapezoidal nos cruzamentos coas estradas LUNS-617, LUNS-3202 e LUNS-546, e o bacheo necesario que mellore o firme da calzada.
Estes viais -construídos no seu día para dar servizo ás infraestruturas de rego- na actualidade pasaron a ser vías de comunicación, o que fai necesario a realización de melloras que contribúan á seguridade vial nos devanditos tramos.