O Ministerio executará actuacións de restauración ambiental nos ríos da provincia de Pontevedra cun investimento de 5,4 millóns
- Detalles
- Venres, 31 Agosto 2012
Serán financiadas nun 80% con fondos Feder asignados dentro do programa Galicia
Entre outras, restaurarase e mellorará a drenaxe do río Canedo ao seu paso por Ponteareas, e a canle e as marxes do Louro ao seu paso polo Mos
O Ministerio de Agricultura, Alimentación e Medio (MAGRAMA), a través da Confederación Hidrográfica do Miño-Sil, executará actuacións prioritarias de restauración ambiental nos ríos da provincia de Pontevedra que reducirán os riscos de inundacións nos meses máis chuviosos, cun investimento total de 5,4 millóns de euros.
O 80% deste investimento está financiada con fondos Feder asignados dentro do programa operativo Galicia, mentres que o 20% restante será sufragado pola Deputación de Pontevedra.
Estas actuacións inclúen a restauración ambiental e mellora da drenaxe no río Canedo, á altura do termo municipal de Ponteareas, cun presuposto total aproximado de 4 millóns de euros. Tamén a ordenación da canle e marxes do río Louro ao seu paso polo Concello de Mos (950.000 euros), o acondicionamento das marxes no regueiro Aboal (en Mondariz, cun presuposto de 350.000 euros), e o proxecto de protección das marxes
contra a erosión do río Louro no termo do Porriño (120.000 euros).
RÍO CANEDO EN PONTEAREAS
O proxecto de restauración ambiental e mellora da drenaxe no río Canedo, en Ponteareas, conta cun presuposto total aproximado de 4 millóns de euros. A Confederación Hidrográfica do Miño-Sil del Ministerio promoverá as obras necesarias para a mellora da drenaxe do Canedo, separando as augas da canle das fecales,haciendo compatibles os usos das marxes coas enchentes do río, e ordenándoas para evitar infiltracións do río na rede de saneamento, así como volvendo abrir a canle naqueles tramos nos que discorre enterrado e sexa posible a súa apertura.
O proxecto foi sometido a información pública e superou a súa tramitación ambiental, polo que proximamente se asinará o convenio de colaboración para poder ser licitado.
RÍO LOURO AO SEU PASO POR MOS
Mentres, o proxecto de ordenación da canle e marxes do río Louro ao seu paso polo Concello de Mos contará cun investimento total aproximado de 950.000 euros.
Esta actuación consiste na execución das proteccións da canle necesarias para evitar a erosión ocasionada neste polas enchentes, construíndo as estruturas proxectadas de acordo aos períodos de retorno legalmente establecidos e a reparación total ou parcial das senllas fluviais. Neste momento está pendente a redacción do proxecto construtivo.
REGUEIRO ABOAL, EN MONDARIZ
O proxecto de acondicionamento das marxes no regueiro Aboal, no termo municipal de Mondariz, realizarase cun investimento aproximado de 350.000 euros.
Con esta actuación, pendente da redacción do proxecto de construción, preténdese mellorar a accesibilidade ao regueiro Aboal, co fin de reconstruír a zona afectada por enchentes provocadas durante episodios de intensas chuvias.
RÍO LOURO NO PORRIÑO
Por último, o proxecto de protección das marxes contra a erosión no río Louro, no termo do Porriño, contará cun investimento aproximado de 120.000 euros.