A CHMS abrirá ao uso público o paseo fluvial do río Asma, afectado polos temporais do inverno

Detalles

Xoves, 20 Agosto 2026

• "Apertura prevista para o venres día 21 de agosto, fóra do tramo afectado da rúa Serra do Faro, que depende da finalización dos traballos para realizar polo Concello de Chantada consistentes no aglomerado, pintado do pavimento, etc..." explicou Quiroga

O vindeiro venres 21 procederase á apertura do paseo fluvial do río Asma en Chantada, afectado polos temporais do pasado inverno, unha vez finalizadas as obras declaradas de emerxencia polo Consello de Ministros e executadas pola Confederación Hidrográfica do Miño-Sil.

Durante a última semana do mes de xaneiro de 2026 polo paso dunha das borrascas que azoutaron durante o inicio de ano á Comunidade Autónoma de Galicia, producíronse danos na contorna do paseo fluvial e encanamento do río Asma en Chantada nas inmediacións das piscinas municipais. Debido aos danos producidos, tamén se viron afectados servizos públicos.

Co obxectivo de eliminar o perigo que supoñía o estado do lugar, declaráronse de emerxencia as obras de reparación de danos producidos no paseo fluvial e encanamento do río Asma no municipio lucense de Chantada, por un importe total de 463.000 €.

Os traballos consistiron na renovación dos servizos públicos afectados, entre eles a rede de saneamento que foi a máis afectada, así mesmo, procedeuse á reposiciòn de pavimentos, o saneo e a reposición do material de recheo do trasdós do muro do encanamento do río Asma e á reconstrución do tramo de paseo danado, alén da remodelación do último tramo da rúa Serra do Faro.

As actuacións descritas completaranse coa execución da primeira fase do saneamento integral de Chantada que comezarán o próximo ano; hoxe por hoxe está en curso o proceso de expropiacións na zona de Zaquín ata as piscinas.

"Apertura prevista para o venres día 21 de agosto, fóra do tramo afectado da rúa Serra do Faro, que depende da finalización dos traballos para realizar polo Concello de Chantada consistentes no aglomerado, pintado do pavimento, etc..." explicou Quiroga

Descargar PDF