O Goberno continúa traballando na contención de cinzas e na restauración hidrolóxico-forestal das zonas afectadas polos incendios

Detalles

Luns, 10 Novembro 2025

• "Os traballos comezaron con rapidez, sen esperas, cun elevado investimento e sen eludir responsabilidades" remarcou o presidente. Quiroga incidiu en que non é momento de confrontación política nin de mensaxes sen contido, "O cidadán demándanos feitos e solucións e só coordinados poderemos atenuar a problemática de contaminación por arrastres de cinzas cara aos leitos fluviais" concluíu.

• Pola súa banda, Eladio Santos detallou que estas actuacións necesitan completarse con traballos da Xunta de Galicia, xa que as cinzas baixan dos montes, onde a CHMS non ten competencias. "O Goberno galego é o responsable da xestión forestal antes, durante e despois dos incendios, polo que lle pedimos que deixe de botar culpas a quen está a traballar e póñase a traballar tamén", subliñou.

Jose Antonio Quiroga, presidente da Confederación Hidrográfica do Miño-Sil (CHMS), Organismo autónomo dependente do Ministerio para a Transición Ecolóxica e o Reto Demográfico, e o subdelegado do Goberno en Ourense, Eladio Santos, deron boa conta das actuacións que o MITECO a través da CHMS está a desenvolver na restauración hidrolóxico forestal das zonas afectadas pola onda de incendios do pasado estío.

"Tras os traballos de análises e comprobación da magnitude, o 9 de setembro 10 brigadas do Programa de Conservación de Leitos comezaron a executar os traballos máis urxentes" explicou Quiroga; así mesmo, o 24 de setembro o MITECO autorizou un investimento de 3 mill/€ para actuacións de emerxencia, posibilitando así o despregamento de 19 brigadas máis, 6 delas para a área do incendio de Valdeorras" engadiu o presidente.

Os traballos execútanse zonas nas que, por efecto do lume, reduciuse drasticamente a cuberta vexetal, o que favorece o fluxo de líquidos e sólidos cara aos leitos, co consecuente efecto erosivo laminar e a degradación dos ecosistemas fluviais.

As actuacións consisten basicamente na construción de pequenos muros de retención, denominadas albarradas, con madeira e/o pedras en cárcavas e torrenteras; e fajinas de troncos e ramas, suxeitas con rollizos de madeira queimada, coa que se pretende frear o transporte de sedimentos; retirada de tapóns e obstrucións en pontes e obras de paso; retirada de madeira queimada en leitos; e plantacións e reforestación de bosque de ribeira para frear o transporte de sedimentos.

"Non podemos esquecer que estamos #ante unha nova fase dos incendios, sendo imprescindible actuar tamén con rapidez en temas prioritarios, por iso desde o inicio, traballouse na contención das cinzas nas proximidades de captacións de auga, para que os concellos puidesen garantir o abastecemento, e na retirada de madeira e tapóns en zonas próximas a centros urbanos, para evitar riscos de inundación" explicou Quiroga.

A pesar dos notables esforzos na aplicación de medidas correctoras e preventivas en DPH (competencia CHMS) para minimizar o arrastre de cinzas aos leitos e o impacto dos mesmos na calidade das augas, unha parte destas, inevitablemente, alcanzará as augas superficiais froito de condicións meteorolóxicas adversas, ou ben, polo empuxe de troncos e ramas queimadas, procedentes das zonas máis altas, situados fóra da competencia dos organismos de conca.

Neste sentido, Eladio Santos detallou que a actuación necesita completarse con traballos da Xunta de Galicia, xa que as cinzas baixan dos montes, onde a CHMS non ten competencias. "O Goberno galego é o responsable da xestión forestal antes, durante e despois dos incendios, polo que lle pedimos que deixe de botar culpas a quen está a traballar e póñase a traballar tamén", subliñou.

O subdelegado destacou que as brigadas contratadas pola CHMS comezaron a traballar o 9 de setembro, nove días despois da extinción dos grandes incendios. "Antes diso, o Goberno de España comezou os traballos previos e o deseño do plan en agosto. Anticipouse ao problema, cando aínda non había choivas, elaborando unha folla de roteiro en tempo récord", indicou.

Como se detallou, "os traballos comezaron con rapidez, sen esperas, cun elevado investimento e sen eludir responsabilidades" remarcou o presidente. Quiroga incidiu en que non é momento de confrontación política nin de mensaxes sen contido, "O cidadán demándanos feitos e solucións e só coordinados poderemos atenuar a problemática de contaminación por arrastres de cinzas cara aos leitos fluviais" concluíu.

Descargar PDF