A CHMS adxudica as obras de eliminación das verteduras incontroladas ao río Limia
- Detalles
- Venres, 06 Outubro 2023
- Foron adxudicadas á empresa Misturas, S.A. por importe de 970.208 €
- Recolleranse as verteduras das zonas do antigo matadoiro Rubio, da estrada de Baltar e Avda. de Portugal, así como os procedentes das edificacións da marxe esquerda do río, piscinas municipais, pavillón e resto de instalacións deportivas para conducilas á EDAR municipal
José Antonio Quiroga, presidente da Confederación Hidrográfica do Miño-Sil (CHMS), Organismo autónomo dependente do Ministerio para a Transición Ecolóxica e o Reto Demográfico, asinou a adxudicación das obras de eliminación de verteduras ao río Limia no tramo urbano de Xinzo de Limia. O contrato foi adxudicado a Misturas, S.A., empresa que presentou a oferta máis vantaxosa por importe de 970.208 €
Ante a problemática actual de verteduras libres ao río, non conectados coa rede municipal e sen ningún tipo de tratamento, as obras de saneamento consistirán na recollida das verteduras das zonas do antigo matadoiro Rubio, da estrada de Baltar e Avda. de Portugal, así como os procedentes das edificacións da marxe esquerda do río, piscinas municipais, pavillón e resto de instalacións deportivas para a súa canalización ata un pozo existente no parque do Toural desde onde se transportarán á EDAR de Xinzo de Limia para o seu tratamento.
“A colaboración institucional é a clave para conseguir proxectos importantes para preservar e mellorar a calidade das augas dos nosos leitos fluviais, sendo fundamental a implicación dos gobernos locais como canle de comunicación máis directo e claro, polo coñecemento que posúen das necesidades reais das zonas ás que representan” concluíu o presidente.
