
A CHMS investirá 700.000 € en mellorar o saneamento da Terrachá, no municipio ourensán de Entrimo
- Detalles
- Luns, 03 Abril 2023

- Renovación das canalizacións subterráneas nun tramo dun 350m., na marxe dereita da travesía, e 180m. na marxe esquerda
José Antonio Quiroga, presidente da Confederación Hidrográfica do Miño-Sil (CHMS), Organismo autónomo dependente do Ministerio para a Transición Ecolóxica e o Reto Demográfico, e Ramon Alonso, Alcalde de Entrimo, rubricaron un Protocolo que ten por obxecto establecer o marco de colaboración, para o financiamento, posta ao dispor dos terreos, execución e entrega das actuacións que se incluirían no proxecto de mellora do saneamento na travesía de Santa Maria a Real da Terrachá.
Situación actual
No núcleo da Terrachá as infraestruturas municipais de saneamento e pluviais son moi antigas e con sección insuficiente, producíndose constantes alivios polos pozos de rexistro en épocas de choiva.
Para liquidar tal situación a CHMS comprometeuse a executar as obras necesarias que consistirían na renovación das canalizacións subterráneas nun tramo duns 350 metros de lonxitude na marxe dereita da travesía e nun segundo tramo duns 180 metros de lonxitude na marxe esquerda.
Separaríanse as augas pluviais das fecais, construíndo redes independentes, renovaríase a tubaxe de abastecemento e deixaríanse baixo aceira colocadas tubaxes corrugadas para a canalización futura dos servizos de iluminación e electricidade.
Estas actuacións, cuxa investimento estimado ascende a 700.000,00 €, mellorarán a calidade das augas e dos ecosistemas fluviais afectados polas deficiencias do saneamento actual.