• imprimir

A CHMS mellorará o saneamento do núcleo da Medorra e construirá unha obra de paso sobre o río Grañal, ambas as actuacións no municipio ourensán de Pereiro de Aguiar

La CHMS mejorará el saneamiento del núcleo de A Medorra y construirá una obra de paso sobre el río Grañal, ambas actuaciones en el municipio ourensano de Pereiro de Aguiar
  • O investimento total do Organismo de conca para estas actuacións é de 320.000 €

José Antonio Quiroga, presidente da Confederación Hidrográfica do Miño-Sil (CHMS), Organismo autónomo dependente do Ministerio para a Transición Ecolóxica e o Reto Demográfico, e Luís Menor, alcalde de Pereiro de Aguiar, rubricaron senllos acordos a través dos que se executarán, por unha banda, o saneamento do núcleo da Medorra e, por outra, unha obra de paso sobre o río do Grañal, na estrada para Venda-Calvelle.

Obra de Saneamento

Na actualidade, o núcleo de poboación da Medorra conta con algunhas vivendas que non están conectadas á rede municipal de saneamento, habitadas por un total aproximado de 105 habitantes-equivalentes; esta problemática provoca verteduras incontroladas de augas residuais que afecta moi negativamente á calidade das augas do medio receptor.

A problemática existente liquidarase coa construción dunha rede de colectores que recolla as verteduras xeradas por estas vivendas e trasládeos ata a rede de saneamento municipal ou ata unha planta depuradora, de nova construción, na que reciban o tratamento adecuado, garantindo que a vertedura cumpra cos parámetros de calidade esixidos pola lexislación vixente.

Hoxe foi rubricado o Protocolo de compromiso entre ambas as administracións no que se reflicte un investimento estimado para estas obras de saneamento de 190.000 euros.

Obra de paso sobre o río Grañal

É importante destacar que a obra de paso actual, de pequena entidade e en moi mal estado de conservación, está formada por dous tubos paralelos de chapa ondulada, cubrindo un leito que ten aproximadamente sete metros de anchura total.

O convenio asinado hoxe ten por obxecto determinar as condicións para o financiamento e execución dunha nova obra de paso sobre o río Grañal, na estrada para Venda – Calvelle, e establecer o réxime da posterior entrega das obras executadas para o seu mantemento e conservación.

As actuacións consistirán na demolición da obra de paso existente, para executar unha nova cuxa forma e tipoloxía definirase no correspondente proxecto construtivo. En todo caso a nova obra de paso deberá salvar o leito sen apoios intermedios e con capacidade hidráulica suficiente estimando unha luz total de 7,4m.

O investimento necesario para esta actuación estímase en 129.500 euros

“A colaboración institucional é a clave para conseguir proxectos importantes para preservar e mellorar a calidade das augas dos nosos leitos fluviais, sendo fundamental a implicación dos gobernos locais como canle de comunicación máis próximo ao cidadán” concluíu o presidente.

Descargar PDF

Este sitio web utiliza cookies propias y de terceros para su funcionamiento, para mantener la sesión y personalizar la experiencia del usuario. Para más información sobre las cookies utilizadas consulta nuestra Política de Cookies.