A CHMS mellorará o saneamento do municipio ourensán de Maside
- Detalles
- Venres, 17 Marzo 2023
- O investimento necesario estímase en 1.000.000 euros
- Procederase á construción dun colector xeral que conecte o núcleo de Santo Tomé coa EDAR existente
José Antonio Quiroga, presidente da Confederación Hidrográfica do Miño-Sil (CHMS), Organismo autónomo dependente do Ministerio para a Transición Ecolóxica e o Reto Demográfico, e José Manuel Iglesias, alcalde de Maside, rubricaron hoxe o Protocolo que establece o marco de colaboración entre as partes outorgantes, para o financiamento, posta ao dispor dos terreos, execución e entrega das actuacións do proxecto de conexión do saneamento de Maside á EDAR municipal.
Hai que destacar que o núcleo de Maside, Santo Tomé, conta cunha poboación de 823 habitantes e verte as súas augas residuais á estación depuradora situada augas abaixo da mesma, lindeira ás estradas OU-203 e N-541, vertendo ao arroio de Garabanes. O colector que conecta o saneamento do núcleo coa EDAR ten un percorrido complexo en planta e alzado tendo en conta das vías de comunicación que debe atravesar e a orografía adversa da zona.
En aras da colaboración entre administracións, a Confederación Hidrográfica do Miño-Sil cofinanciará as actuacións necesarias para o bo funcionamento do colector coas que se conseguirá evitar fugas e incorporacións de augas limpas que provocan verteduras incontroladas ao leito. O investimento necesario estímase en 1.000.000 Euros, incluíndo o custo de redacción do Proxecto, a execución do contrato de obras, así como a dirección facultativa do mesmo.