O MITECO lanza axudas de 200 millóns de euros para dixitalizar os abastecementos urbanos e mellorar a eficiencia no uso da auga
- Detalles
- Venres, 30 Setembro 2022
- Trátase da primeira convocatoria do PERTE de Dixitalización do Ciclo Urbano da Auga e vai destinada a municipios e agrupacións de municipios de máis de 20.000 habitantes
- Financiaranse proxectos de entre 3 e 10 millóns de euros, cunha intensidade máxima da axuda do 60% ao 90% do orzamento
- O prazo de presentación de proxectos é de 90 días hábiles e poden concorrer as administracións competentes na xestión da auga, incluíndo tamén operadores públicos e privados
O Boletín Oficial do Estado (BOE) publica hoxe a Orde pola que se abre a primeira convocatoria do PERTE de Dixitalización do Ciclo Urbano da Auga, do Ministerio para a Transición Ecolóxica e o Reto Demográfico (MITECO), cunha liña de axudas de 200 millóns de euros para a mellora da dixitalización dos usos da auga urbana e un importe total de 200 millóns de euros.
Os beneficiarios potenciais das axudas, que comprenden un rango de entre 3 a 10 millóns de euros por proxecto, poderán ser os concellos e resto de administracións de xestión da auga, así como operadores dos servizos de abastecemento, saneamento e depuración de auga urbana nun ou varios termos municipais que superen os 20.000 habitantes de forma permanente.
Así mesmo, prevese unha reserva de 60 millóns de euros para propostas presentadas que engloben a varios termos municipais e que inclúan municipios de menos de 20.000 habitantes. Desta maneira, establécese con carácter xeral unha intensidade máxima da axuda do 60% ao 90% dos gastos subvencionables.
CIBERSEGURIDADE E TRANSPARENCIA
O prazo de presentación dos proxectos é de 90 días hábiles. Financiaranse actuacións que permitan a mellora do control dos usos da auga, fomento da xestión dixital tanto do abastecemento como saneamento e depuración de augas residuais, proxectos para a mellora da eficiencia e diminución de perdas nas redes de distribución de auga, e melloras tecnolóxicas na xestión das depuradoras e verteduras de augas residuais. Tamén entran dentro da convocatoria as accións de fomento da telelectura de contadores, avisos á cidadanía na xestión da auga, plataformas de control e seguimento dos usos da auga e, en xeral, reforzo da transparencia na xestión da auga e da ciberseguridade.
As axudas distribuiranse en réxime de concorrencia competitiva, axustándose aos principios do artigo 8.3 da Lei 38/2003, do 17 de novembro, Xeneral de Subvencións. O órgano instrutor do procedemento será, como norma xeral, a Dirección Xeral da Auga do Ministerio para a Transición Ecolóxica e o Reto Demográfico.
RESOLUCIÓN DA CONVOCATORIA
A resolución da convocatoria realizarase durante a primavera de 2023 e o prazo de finalización dos proxectos será o 31 de decembro de 2025, coa posibilidade contemplada ata o máximo do 1 de xuño de 2026.
Esta é a segunda acción do PERTE de dixitalización do ciclo da auga tras a repartición en Conferencia Sectorial de Medio Ambiente doutros 100 millóns de euros o 20 de xuño de 2022 ás Comunidades autónomas. Nestes momentos, trabállase no deseño de novas convocatorias e actuacións para o próximo ano.
Orde publicada no BOE
Toda a información sobre o PERTE de Dixitalización do Ciclo da auga
Pode consultar a información do Plan de Recuperación, Transformación e Resiliencia aquí
