A CHMS finaliza unha estación de control no río Saá ao seu paso polo municipio lucense da Pobra do Brollón
- Detalles
- Venres, 11 Xuño 2021
- Situada na Área con Risco Potencial Significativo de Inundación (ARPSI) de A Pobra de Brollón, para facilitar o control e a capacidade de reacción en períodos de choivas abundantes que produzan incrementos considerables de caudal
- Investimento de máis de 30.000 euros
A Confederación Hidrográfica do Miño-Sil, Organismo Autónomo dependente do Ministerio para a Transición Ecolóxica e o Reto Demográfico, finalizou as obras de ampliación da REDE SAIH (Sistema Automático de Información Hidrolóxica) no río Saá, ao seu paso por A Pobra de Brollón (Lugo).
Os traballos consistiron na implantación dos equipos necesarios para a medición e transmisión en tempo real dos datos de nivel da auga no leito, temperatura e pluviosidade. As variables recíbense xa, de maneira automática e cada cinco minutos, no CECU (Centro de Control de conca) do que dispón a CHMS en Ourense; os datos poden ser consultados na nosa páxina web:
http://saih.chminosil.es/index. php?url=/datos/ graficas/etiqueta: N040_ AINRIO1
Esta estación está situada na Área con Risco Potencial Significativo de Inundación (ARPSI) de A Pobra de Brollón (Lugo), conforme á planificación de xestión do risco de inundación do segundo ciclo, para facilitar o control e a capacidade de reacción en períodos de choivas abundantes que produzan incrementos considerables de caudal.
Estas actuacións supuxeron un investimento de 30.075 €.
As obras enmárcanse na actividade 4 "Programas de control e medidas de retención natural" do Proxecto RISC_ ML, dentro da acción encamiñada a ampliación rede SAIH, SAICA, piezometría e control químico, cofinanciado polo Fondo Europeo de Desenvolvemento Rexional (FEDER) través do Programa Interreg V-A España-Portugal (POCTEP) 2014-2020.
