A CHMS saca a Información Pública o proxecto de mellora do saneamento e da EDAR do municipio lucense de Sarria
- Detalles
- Venres, 23 Abril 2021
- O investimento previsto supera os 2,4 mill/€, cofinanciado polo Fondo Europeo de Desenvolvemento Rexional
- Publicado no BOP e no BOE os días 21 e 19 de abril, respectivamente, polo que o prazo de IP finaliza o 20 de maio
A CHMS, Organismo autónomo dependente do Ministerio para a Transición Ecolóxica e o Reto Demográfico, somete a información pública (IP) o “Proxecto de construción de actuacións de mellora do saneamento da EDAR de Sarria (Lugo), actuación cofinanciada polo Fondo Europeo de Desenvolvemento Rexional (FEDER) no marco do Programa Operativo Plurirregional de España 2014-2020."
O período de información pública, 20 días hábiles, irá do 22/04/2021 ao 20/05/2021 (ambos inclusive), tal e como publican o BOP de Lugo do mércores, 21 de abril, e o BOE do luns, 19 de abril de 2021.
O Proxecto
A actuación consiste na substitución do colector da marxe esquerda do río Sarria desde a Rúa Calvo Sotelo ata a Rúa Greco e un tramo do colector xeral desde esta última ata o novo dispositivo de retención, que servirá para controlar o caudal de entrada á depuradora, executando así un total de 1.000 metros de colector. Na EDAR instalaranse novos equipos e actualizaranse os existentes para mellorar o seu funcionamento.
As obras serán cofinanciadas polo Fondo Europeo de Desenvolvemento Rexional e serán licitadas por un valor de 2.435.845,49 €. O prazo de execución estímase en 12 meses.
