A Confederación do Miño-Sil retira as árbores e a vexetación que obstaculizan a capacidade de desaugadoiro do río Mao en Bóveda (Lugo)
- Detalles
- Venres, 01 Maio 2020
- Estas actuacións, nas que o Organismo de conca investirá máis de 55.000 euros, prolongaranse ata os primeiros días de xuño
- A zona de actuación está dentro do espazo protexido LIC Río Cabe e este organismo dispón de autorización previa da Consellería do Medio Rural que habilita a executar o programado
A Confederación Hidrográfica do Miño-Sil (CHMS), Organismo autónomo dependente do Ministerio para a Transición Ecolóxica e o Reto Demográfico, traballa no río Mao ao seu paso polo municipio lucense de Bóveda; actuacións incluídas no Encargo á empresa Tragsa para o Servizo de Conservación e Restauración de leitos da Demarcación Miño-Sil, que se prorrogarán ata final de ano.
Da inspección previa á zona de actuación detectouse abundante vexetación arbórea e arbustiva e un importante número de árbores con risco de caída sobre os leitos o que dificulta o normal discorrer das augas, o que podería provocar tapóns nas infraestruturas de paso e inundacións nas leiras lindeiras.
Para evitar estes problemas, trabállase no acondicionamento e limpeza do leito en dominio público hidráulico e zona de servidume, incluíndo poda e clareo de ramas baixas, tala, partido, amontoado e retirada das árbores secas presentes no tramo.
Os restos vexetais son retirados da zona e transpórtanse ao xestor autorizado; no caso dos amieiros, aplícanse as medidas ou recomendacións profilácticas co obxecto de evitar a propagación de Phytophthora Alni.
A zona de actuación está dentro do espazo protexido LIC Río Cabe e este organismo dispón de autorización previa da Conselleria de Medio Rural da Xunta de Galicia que habilita a executar o programado.
Os traballos no río Mao son realizados por 1 brigada composta por catro operarios especializados e un capataz, e prolongaranse ata os primeiros días do mes de xuño. O investimento previsto supera os 55.000 euros.
“As actuacións de conservación, restauración e rehabilitación do dominio público hidráulico son sempre necesarias e imprescindibles para o bo estado dos nosos leitos, aínda que, en anos de abundantes choivas esta necesidade faise máis patente, xa que o intenso caudal provoca chans incapaces de filtrar máis auga, inundacións, debilitación do terreo e arrastres de maleza dentro da sección hidráulica dos leitos, minguando así a súa natural capacidade de desaugadoiro e a calidade das súas augas” explicou Jose Antonio Quiroga , presidente da CHMS.
“Esta Encomenda finalizará no segundo semestre de 2020, aínda que, estamos a valorar, do mesmo xeito que en 2019, un contrato complementario de reforzo que dea cobertura a un maior número de tramos con problemas, todo iso co ánimo de previr inundacións e avenidas que puidesen afectar as persoas e os seus bens” concluíu o presidente.