Teresa Ribera preside o seu primeiro Consello Consultivo de Política Ambiental
- Detalles
- Mércores, 20 Xuño 2018
- Por primeira vez, as Comunidades Autónomas terán voz no próximo Consello de Ministros Europeo, a través do conselleiro do País Vasco que actuará como portavoz.
A ministra para a Transición Ecolóxica, Teresa Ribera, presidiu o seu primeiro Consello Consultivo de Política Ambiental. Na reunión cos conselleiros autonómicos traballouse sobre os temas que figuran na axenda do próximo Consello de Ministros de Medio Ambiente da Unión Europea, que se celebrará en Luxemburgo o luns 25 de xuño.
Entre os asuntos tratados están as medidas de loita contra o cambio climático, o Plan de Acción Europeo de Economía Circular, a nova Directiva de auga potable e o impulso á conservación da biodiversidade.
Por primeira vez, as Comunidades Autónomas terán voz neste Consello de Ministros a través do conselleiro de Medio Ambiente, Planificación Territorial e Vivenda do País Vasco, Iñaki Arriola López, quen actuará como coordinador autonómico, trasladando a posición das Comunidades Autónomas.