A CHMS financia dúas bolsas formativas para os alumnos do CIFP A Carballeira (Ourense)
- Detalles
- Venres, 15 Xullo 2016
O investimento do organismo é de 20.000euros
O centro escolar realizará a convocatoria e selección dos alumnos que realizarán as prácticas no laboratorio da Comisaría de Augas do organismo de conca
O presidente da Confederación Hidrográfica do Miño-Sil (CHMS), Francisco Marín Muñoz, e a delegada Territorial da Xunta en Ourense, Marisol Díaz Mouteira, asinaron hoxe un protocolo de colaboración a través do que se regula a entrega dunha subvención de 20.000euros para sufragar a formación práctica a dous alumnos do Centro Integrado de formación profesional A Carballeira- Marcos Valcarcel.
No acto de firma estiveron acompañados polo Subdelegado do Goberno, Roberto Castro e por varios membros da Comunidade Escolar, entre outras autoridades.
O período de prácticas terá unha duración dun ano, e será remunerado a través dun sistema de bolsas, polo que os beneficiarios non suplirán aos traballadores no Laboratorio de Análise, Control e Calidade das Augas da Comisaría de Augas da CHMS.
O propio centro convocará e seleccionará aos bolseiros de entre os alumnos que finalizan o Ciclo Superior de laboratorio de análise e de control de calidade.
"Desde a CHMS consideramos que unha formación de calidade, que inclúa un período de prácticas, é a clave para contar, nun futuro, con profesionais cualificados que coñezan o funcionamento real dos centros de traballo e que isto lles facilite a entrada no mundo labora"?, concluíu Francisco Marín.