A CHMS licita por 260.000 euros o acondicionamento e reparación dos camiños de servizo, canles e acequias do regadío do Val de Lemos en Monforte (Lugo)
- Detalles
- Martes, 10 Maio 2016
O obxectivo das obras é garantir a subministración de auga ás parcelas do Regadío do Val de Lemos, pertencentes aos municipios de Bóveda, Monforte de Lemos, Pantón, A Pobra de Brollón e Sober
O próximo 10 de xuño é a data límite para presentación de ofertas
A Confederación Hidrográfica do Miño-Sil (CHMS), organismo autónomo dependente do Ministerio de Agricultura, Alimentación e Medio Ambiente, licitou por 260.586,28 euros o contrato de obras para o "Acondicionamento e reparación dos camiños de servizo, canles e acequias do regadío do Val de Lemos, nos termos municipais de Bóveda, Monforte de Lemos, Pantón, A Pobra de Brollón e Sober".
O obxectivo das obras é garantir a subministración de auga para a campaña de rega ás parcelas pertencentes ao Regadío do Val de Lemos.
Os traballos consistirán na impermeabilización e reconstrución das acequias en varios tramos, substitución de varias comportas de regulación e melloras na pavimentación e sinalización vertical e horizontal nos camiños de servizo das canles de regadío.
A presentación de ofertas realizarase a través do Rexistro Xeral da Confederación Hidrográfica do Miño-Sil, situado na C/ Curros Enríquez, 4-2º de Ourense, CP 32003, até as 14,00 horas do día 10 de xuño de 2016.