García Tejerina: a aprobación dos plans de conca de competencia estatal suman máis de 10.000 medidas, cun investimento de 15.000 millóns de euros
- Detalles
- Venres, 08 Xaneiro 2016
Subliña que coa súa aprobación, España cumpre coa Directiva Marco da auga
Asegura que sen planificación hidrológica non é posible facer política da auga
Recalca que grazas aos plans hidrológicos, os nosos ríos estarán en mellores condicións de conservación
Puntualiza que os plans de conca tamén inclúen solucións específicas para os problemas concretos de cada conca
A ministra de Agricultura, Alimentación e Medio Ambiente, Isabel García Tejerina, explicou que os plans de conca permiten priorizar os investimentos necesarios para atender as demandas dos usuarios. En total, os 12 plans de competencia estatal suman máis de 10.000 medidas a executar, cun investimento de 15.000 millóns de euros, aos que hai que engadir outros 2.500 millóns de euros correspondentes ás medidas nos 4 intracomunitarios.
Tamén indicou que coa aprobación dos plans de conca de segundo ciclo, España dá cumprimento á Directiva Marco da auga, completando o esforzo realizado no catro últimos anos para recuperar os atrasos atopados en materia de auga e ser un país cumpridor coa Unión Europea.
Isabel García Tejerina compareceu en rolda de prensa tras o Consello de Ministros, que aprobou hoxe 16 plans hidrológicos de conca de segundo ciclo (2016-2021): todos os de competencia estatal (12) máis os plans de competencia autonómica de Galicia Costa, Tinto-Odiel-Pedras, Guadalete-Barbate e Concas Mediterráneas Andaluzas.
Segundo subliñou, os plans de conca son o instrumento máis importante de xestión da auga, xa que permite coñecer as necesidades en materia de auga e os recursos dispoñibles. Neste sentido, a ministra entende que sen planificación hidrológica non é posible facer política da auga, especialmente nun país como España, no que a auga é un recurso natural que require a máxima atención.
MAIOR PROTECCIÓN DO MEDIO AMBIENTE
Por outra banda, García Tejerina recalcou que grazas aos plans hidrológicos, ?os nosos ríos estarán en mellores condicións de conservación?, algo fundamental para a protección dos ecosistemas e para a calidade de vida dos cidadáns.
Para iso, auméntanse e melloran os caudais ecolóxicos dos ríos, é dicir, os fluxos de auga que deben permanecer nos ríos para impedir a súa deterioración. Así mesmo, estes plans permiten priorizar as medidas de conservación necesarias dos ríos, con investimentos en restauración ambiental nos tramos fluviais.
Ademais, a ministra asegurou que os plans supoñen un impulso decisivo á mellora da calidade das augas, ao establecer a planificación de investimentos para o próximos seis anos en materia de saneamento e depuración. E, ao mesmo tempo, os plans contemplan a creación de reservas fluviais.
SOLUCIÓNS ESPECÍFICAS
Doutra banda, García Tejerina puntualizou que os plans de conca tamén inclúen solucións específicas para os problemas concretos de cada conca.
Así, a ministra citou como o Plan Hidrológico do Guadiana permitirá culminar a regularización de pozos en Castela-A Mancha, mentres que o Plan Hidrológico do Douro posibilitará novas autorizacións de pozos en Castela e León.
Ademais, o Plan do Júcar favorecerá a transferencia de 50hm3/ano para o Júcar-Vinalopó, mentres que o Plan Hidrológico do Segura reducirá o déficit da conca en 80 hm3 até 2021, grazas á integración da desalación na conca e ao impulso de novas infraestruturas.
AMPLA PARTICIPACIÓN PÚBLICA
Por último, García Tejerina apuntou que a aprobación destes plans hidrológicos supón a culminación dun complexo proceso de elaboración, no que participaron todas as administracións públicas, representantes sociais e usuarios da auga.
Neste contexto, a ministra asegurou que se alcanzou un amplo consenso, que se manifestou no Consello Nacional da auga, que é o principal órgano consultivo do Estado na materia e no que están representadas as Comunidades Autónomas, entidades locais, organizacións profesionais, económicas e sociais, organizacións ecoloxistas e usuarios da auga.
Por outra banda, Garcia Tejerina lembrou que o Ministerio de Agricultura, Alimentación e Medio Ambiente e o Goberno de Aragón subscribiron en 2014 un protocolo para a descontaminación integral do río Gállego, afectado polo lindano, cunha achega do Ministerio de 12 millóns de euros.