O presidente da Confederación do Miño-Sil supervisa o resultado dos traballos executados en Villafranca e no saneamento do Bierzo Baixo (León)
- Detalles
- Mércores, 16 Setembro 2015
O investimento total realizado polo Ministerio de Agricultura, Alimentación e Medio Ambiente para obras de emerxencia na provincia de León supera os 1,5 millóns de euros
A Confederación Hidrográfica do Miño-Sil, organismo autónomo dependente do Ministerio de Agricultura, Alimentación e Medio Ambiente, traballa na restauración, rehabilitación e melloras en canle e marxes dos ríos, así como nas infraestruturas de saneamento afectadas polos temporais de intensas choivas do primeiro trimestre deste ano.
Estas actuacións foran declaradas de emerxencia polo Consello de Ministros de 6 de marzo, para os que se programaron traballos, na provincia de León, por un importe superior a 1,5 millóns de euros.
Actuacións en Villafranca del Bierzo
Esta mañá, Francisco Marín, presidente da CH do Miño-Sil, acompañado pola tenente de alcalde de Villafranca, María del Carmen Branco, supervisaron o resultado das actuacións de reparación de danos na canle e marxes do río Burbia ao seu paso por Villafranca del Bierzo (León).
Os traballos consistiron na reconstrución e reforzo das cimentacións dos diques máis deteriorados e na restauración de ambas as marxes que, pola forza da corrente, presentaban importantes fochas. Como complemento ás actuacións descritas procedeuse á eliminación dos obstáculos presentes no leito do río e na limpeza de maleza, restos vexetais e residuos sólidos.
A lonxitude total de zona restaurada supera os 370 metros lineais, e o investimento realizado polo Ministerio de Agricultura, Alimentación e Medio Ambiente supera os 180.000 euros.
Actuacións no saneamento do Bierzo Baixo
Nesta mesma xornada, o presidente do organismo de conca visitou as actuacións de corrección daqueles puntos ou tramos de colectores afectados polas intensas choivas, a través dos que se incorporaban augas limpas á rede de saneamento, situados no seu mayoria nas redes municipais conectadas, cuxo destino final sería a EDAR de Villadepalos e que provocaban saturación na capadidad e dificultades para a correcta depuración.
As actuacións comezaron coa inspección xeral da rede, coa limpeza de acarreos acumulados nas tubaxes, coa substitución dos tramos de colectores afectados, así como coa reparación de filtracións detectadas nalgúns dos pozos de rexistro, supondo o conxunto de todas elas un investimento máximo de 442.000 euros.
As principais actuacións están a levarse a cabo na zona de Villadepalos, en cuxa rede de seanemiento o fenómeno de entrada de augas limpas procedente das redes locais é especialmente acusado, sendo esta rede fonte da maior achega de augas limpas ao sistema de Saneamento do Bierzo Baixo.
A data de hoxe foi inspeccionada gran parte da rede de saneamento e a obra atópase en avanzado estado de execución. O conxunto de actuacións executadas até o momento aproxímase ao 50 % do total da obra prevista e a súa terminación prevese para finais do mes de outubro deste ano.