• 

O Estado investirá máis de 5 millóns de euros na mellora da rede de saneamento do río Louro ao seu paso por Tui, Salceda, ou Porriño e Mos

Detalles

Luns, 08 Setembro 2014

Con estas actuacións dotarase aos pequenos núcleos de poboación das infraestruturas necesarias para derivar todas as verteduras cara á EDAR de Guillarei

Melloraranse as 14 zonas con maior número de poboación tratando de conseguir a maior eficiencia no investimento

O Ministerio de Agricultura, Alimentación e Medio, a través da Confederación Hidrográfica do Miño-Sil (CHMS), formalizou esta mañá os protocolos de colaboración coa Xunta de Galicia e cos Concellos pontevedreses de Tui, Porriño, Salceda e Mos, para o financiamento e execución dos proxectos de mellora de saneamento do río Louro así como a formalización das encomendas de xestión para a entrega, mantemento e conservación destas actuacións.

Nun acto celebrado nas instalacións da EDAR de Guillarei (Tui- Pontevedra) e presidido polo delegado do Goberno en Galicia, Samuel Juárez, os distintos protocolos foron rubricados polo presidente da Confederación Hidrográfica Miño-Sil (CHMS), Francisco Marín; a conselleira de Medio, Territorio e Infraestruturas, Ethel Vázquez; o presidente do Consorcio do Louro, Gonzalo Mosqueira e os alcaldes de Tui, Porriño, Salceda e Mos, Moisés Rodríguez, Nelson Santos, Marcos Bicada e Nidia Arévalo, respectivamente.

Estas actuacións están incluídas no programa operativo de financiamento con cargo aos Fondos de Desenvolvemento Rexional (FEDER), que contan coa participación e apoio cidadán das poboacións implicadas, e van dirixidas á mellora ambiental do ámbito dos ríos.

ACTUACIÓNS

Coa firma destes protocolos dáse un novo impulso ás actuacións necesarias para complementar a posta en funcionamento da EDAR de Guillarei e dos catro colectores secundarios xa construídos, distribuídos polos principais vales da bisbarra.

En concreto, con estas actuacións dotarase das infraestruturas de saneamento axeitadas a núcleos de poboación que, a día de hoxe teñen que recorrer a pequenas infraestruturas individuais para depurar as súas augas, e que, tras as obras, poderán dispoñer de sistemas de recollida de augas residuais con conexión aos colectores de saneamento xa construídos

As zonas de traballo seleccionáronse a partir de estudos en detalle do estado actual das infraestruturas, das necesidades de saneamento e posterior análise de viabilidade das instalacións.

Con esta actuación do Ministerio, beneficiaranse no Concello de Mos, os núcleos de Santa Marta, Pedrucha, Reubín, Pedra do Corvo, Atín Cela. No Concello de Porriño Vacaría. No de Salceda de Caselas: Fraga, Couto, ou Río, Barroqueira, Carballal, Casa Grande, Arrotea, A Revolta, Soutelo e Entenza. E no Concello de Tui, Gandufe.

Como complemento ás actuacións anteriores, nas poboacións de Areas, Randufe, Pexegueiro e Malvas (Concello de Tui), se proxectou a construción dunha nova estación de bombeo e colectores de impulsión, que recollerán as augas provenientes destas poboacións e do polígono industrial e enviaranas por gravidade á EDAR, coa posibilidade de incorporar á estación unha bomba máis que serviría para prestar servizo ante un posible incremento da poboación.

Á súa vez, nas parroquias de Soutelo e Entenza, pertencentes Salceda de Caselas, construiranse varios colectores co obxectivo de recoller as augas residuais destas zonas rurais para conducilas ata os colectores do Louro e poder así realizar a súa entrega na EDAR de Guillarei.

Presentación (PPTX-23MB)     Descargar PDF